味苑 (已結業)

前几日又系屋企人聚餐嘅日子，为咗方便佢哋，所以我哋就近近地拣咗一间中餐厅嚟食。我哋叫咗呢个套餐，每样都有啲咁，整体都好似好丰富。呢个就系舟生海蜇，佢味道有啲辣辣地咁，好惹味好开胃，而且有咬口得嚟有d爽，令人越食越开胃。呢个系豉椒炒蚬，份量都几大碟。味道都系偏向辣辣地嘅，卖相好吸引，蚬肉好鲜味，而且非常香。跟住就系上汤龙虾，我哋仲加咗伊面底。只龙虾已经预先帮我地整烂咗啲壳，所以我哋唔使咁用力已经食到啲肉，龙虾肉质都好结实，好弹牙。