新福記酒家

营业中

休息中

假期的晚饭时间 ，周围都多人， 所以我未雨绸缪 ，一早订定呢度晚饭。 连续几日假期 ，日日都周围食， 今晚谂住食简单啲 ，见到呢度有啲小菜都几吸引， 特别系有一个苦瓜炒凉瓜， 好搞笑。 见到个餐牌度有鲍鱼啫啫鸡煲， 应该都几惹味好𩠌饭， 于是就决定拣呢两样𩠌。 我哋嚟得早， 都唔系太多人 ，所以比较安静。 点咗𩠌大概十分钟 就可以上菜 ，个鸡煲都几吸引 ，份量不小，香喷喷 ，不过 ，鲍鱼就有少少难揾， 因为好细粒， 不过都揾到四粒鲍鱼 ，算系对版喇 。鲍鱼唔使多 ，最紧要好味， 个鸡煲都好多肉， 而且配料十足 ，用姜葱蒜冬菇藜焖，仲有好多块猪润， 焖得又香又嫩， 非常好食， 价钱仲唔贵 ，128蚊一大煲， 性价比高， 系一个值得推介嘅小菜。 凉瓜炒苦瓜 ，其实就即系炒凉瓜， 切得好大块， 用蒜头豉椒炒， 好香， 火喉好好 ，可见厨师功夫都不错。 所以呢一餐食得好开胃 ，食完仲有绿豆沙送。而家两个人出街晚饭 ，埋单二百几蚊 ，算系几实惠嘅 ，所以呢度应该系值得推荐嘅地方 。