新蒸武門 (已結業)

观塘真系一个又爱又恨嘅地方，餐厅多，人又系多，为咗食好嘢多人嘅地方都要去试下。今日就拣咗呢度试下中式午餐，餐厅设计简单，座位尚算宽阔，唔太迫。睇睇餐牌，就算系午餐都几多选择，价钱亦唔贵。因呢排食得太多肉类，所以清清地叫咗个精选午餐～什菌肉碎浸时蔬菜吸收了上汤，味道清甜带鲜味 ，菌类亦新鲜，加上猪肉碎，送饭一流。午餐可加钱转为炖汤，今日系猴头菇栗子炖鸡，无味精，猴头菇大大粒，汤好足料，呢个汤有益、营养价值高，饮落非常鲜美。另外朋友叫咗个泰式猪颈肉汤米配老火汤，猪颈肉咬下去肉质嫩滑香口又惹味，而今日嘅老火汤系霸王花甘笋猪骨汤，味道清甜，简单又美味，好有住家味道。