福門海鮮菜館 (已結業)

又到左几个月一次嘅家庭聚会，今晚表哥话有重要事情宣布，所以一家大细去咗旺角食饭，餐厅当然拣返中菜，适合大人细路食。福门据我所知已经历史悠久，曾几何时都嚟食过，都是一般酒楼嘅格局，门口有个大鱼缸，养咗好多海鲜。Menu图文并茂，选择甚多，其中冬瓜盅、海鲜、烧鹅及鸡煲等，都系呢度推介嘅，拣咗几款之后就叫左啲小菜吃。冬瓜盅大热天时最适合食返个冬瓜盅，又消暑又解渴，冬瓜盅份量都几大，放上枱上俾大家相机食先之后，店员就会为我地分每人一碗。冬瓜汤清甜，冬瓜亦爽口新鲜，仲有鲜虾肉系入边，感觉冇乜味精，应该几健康。卤水并盘较为失望的一个𩠌，因为卤水不够入味，而掌翼还可见到一条条的黑毛，应该是事前处理功夫做得不足所致。粉丝蒜蓉蒸黄金贝黄金贝好大只，都几新鲜，劲多蒜蓉同粉丝，捞埋d汁食好有蒜味，令人食欲大增。秘制香辣鲜鸡煲惹味嘅鸡煲亦都系我嘅至爱，鸡煲已经预先煮熟，只需开慢火就可以立即吃，鸡煲内有各式各样配料，如花椒、八角、芫茜等等，味道香口而且鸡肉滑，有少少麻辣几刺激，又唔会辣到食唔到，几个人好快就清哂成煲。沙律明虾球沙律酱好惹味，酸酸甜甜最适合夏天食，炸粉不多，咬开虾球内见到鲜虾肉，好适合配饭的小菜。