紅椒力量

营业中

休息中

今日同男朋友到黄埔行街，晚饭到一间餐厅，根据餐厅名，本身打算点辣野食，不过侍应介绍左几样俾我地，话d小菜好好，咁即管一试。虽然2个人，不过我男友都几大食，最后点左3人餐，一个煲加2碟小菜。豆腐斑腩煲侍应极力推荐既，食落斑腩肉质唔错，脆浆亦唔会太厚，煲仔上，够晒热辣辣，够镬气，唯一豆腐唔够滑溜，如果用布包豆腐，相信更佳。京葱爆牛肉上枱好香，牛肉入哂味，食落唔嚡，唔会爆到老哂，啱啱好，葱既份量好充足，相比牛肉比例偏少，比例做番好d就更好。沙拉鸡球鸡球整得好脆，都几有咬口，配上千岛汁，酸酸地几开胃，当小食或者攞嚟佐饭都可以。最后各自一杯特饮，椰汁红豆冰味道好好味，红豆份量好多而且好腍，推介之一，另外青柠梳打就冇咩特别，不过不失，整体上都系一餐唔错嘅晚饭。