原汁原味

营业中

休息中

大雨天，落車正是大大隻字搶眼的招牌，被吸引入內試試。入內是一間小客棧設計，木枱木櫈，仲有上層。午餐有平有貴，精選套餐由$63 至128，有杯冷或熱的薏米水送。加$15有足料老火湯。原籠蟲草花蒸雞飯，要等約15分鐘左右才蒸好上枱，件頭都幾大，雞塊也不少，蒸飯較濕，蒸雞的汁滲入飯中，味道鮮很多。京都豬扒飯，有骨的豬扒，雖有厚度但也很軟冧，很易咬得開，酸甜度剛好，唔太酸，好惹味開胃。唯一美中不足是飯和餸放在一起，碟又不太大，吃時有些狼狽。如餸和飯分開上會好些。老黃瓜雞腳瘦肉湯，湯濃應無味精，飲咗2-3小時都無口渴。熱薏米水足料，無糖添。飲落很潤喉，大熱天可助去濕去水。