一家

营业中

休息中

随著时间的推移，旧貌换新颜，形荟呢个商场有人离场，但亦都有新食肆加入，呢日发现咗有间上海沪菜小馆，出边门面装修几吸引，再望下啲餐牌，都好啱胃口，于是一于入来试吓。了解咗一至五嘅午市免茶嘅，一律供应四宝茶，有冇第二啲茶选择？系冇嘅，但四宝茶唔系度度都有得饮，而且老少皆宜，可以免费叹，正。“椒盐小黄鱼"，小黄鱼好似系上海菜的灵魂，听朋友讲，宜家喺上海食个黄鱼面都唔平，但系喺香港食到炸到金黄，外皮脆卜卜，入边啲肉好嫩滑，而成个餐只系六十零蚊，仲有前菜同埋例汤，今日嘅前菜系菜脯，例汤系粉葛汤，好满足。"咖喱牛筋腩"就唔会太辣，筋腩各占一半，啱晒钟意牛筋嘅我同埋钟意牛腩嘅朋友，平靓正嘅一餐。