榮耀餐廳 (已易手) 新餐厅

同两老系大围行返田心村揾食，系佢地带领下去咗一间唔起眼既西餐，原来就系上次同老公拍拖既cafe隔几间舖，时间尚早餐厅唔算多人，餐枱整齐排开坐位舒适天气回暖又潮湿，难免影响胃口，酸同辣最醒胃，叫返个菠萝鲜茄焗猪扒饭（$54）同花香新薯咖哩海鲜饭（$60）就最适合，蕃茄献汁清新唔会一口茄膏味，饭够干身配薄切猪扒，有儿时既味道!花香大概系罗靭同香茅味道同青咖喱无异，配虾仁、青口、鱿鱼最夹，一碗白饭真系唔够喉老爸点既牛扒（$118）大大块，煎得香脆又够牛味，配菜吸收牛扒油份就算烚椰菜同薯仔都已经好好味跟餐可以自由选配餐汤、餐饮或沙律，热桃茶（$8）配一片柠檬加点酸味，热辣辣饮落顺喉