影片
更多
2022-09-12
332 浏览
今日公众假期，唔洗返工，专登过嚟黄大仙揾朋友食晏。喺友人嘅引领下，嚟咗凤凰新村环凤街呢间「家常面」。听朋友讲，餐厅主打上海菜，店里嘅面食同水饺都做得好用心，尤其是招牌手作饺子，全部都系每日新鲜即制，所以就算系闲日，都有唔少街坊过嚟帮衬。既然友人系常客，点餐嘅任务就一于交由他发办。先嚟一客凉拌小云耳 ($28)，入口爽脆Q弹，酸味亦恰到好处，非常醒胃。跟住系一客餐厅嘅招牌菜蒸饺子 ($30) 一笼有 8 只，认真抵食。每粒饺子嘅外形都胀卜卜，接痕清晰美观，令人赏心悦目，而且最正系用料十足，内有韭菜、猪肉、葱和萝卜，啖啖滋味。另外每张台都摆放咗一樽餐厅秘制嘅招牌辣酱，以纯人手制作，入口辛而不辣，用嚟拌饺子吃，味道一流！见到餐牌有炖汤，又即时加咗盅雪梨炖猪肺 ($30)，睇下几足料，炖得火喉十足，入口清甜滋润，加上猪肺洗得好干净， 口感软腍有弹性，不得不赞。面食方面，点了菜肉云吞担担面 ($48) 同 胡麻酱冷面 ($45)。担担面嘅肉碎分量恰到好处，面条爽滑有弹性，入口散发住浓浓嘅花生香，好惹味。云吞皮薄、内馅猪肉嫩滑，而且小店绝对冇放味精，绝对值得一试。另外客胡麻酱冷面，口感亦唔错，面身
今日公众假期，唔洗返工，专登过嚟黄大仙揾朋友食晏。喺友人嘅引领下，嚟咗凤凰新村环凤街呢间「家常面」。
听朋友讲，餐厅主打上海菜，店里嘅面食同水饺都做得好用心，尤其是招牌手作饺子，全部都系每日新鲜即制，所以就算系闲日，都有唔少街坊过嚟帮衬。
既然友人系常客，点餐嘅任务就一于交由他发办。先嚟一客凉拌小云耳 ($28)，入口爽脆Q弹，酸味亦恰到好处，非常醒胃。
跟住系一客餐厅嘅招牌菜蒸饺子 ($30) 一笼有 8 只，认真抵食。每粒饺子嘅外形都胀卜卜，接痕清晰美观，令人赏心悦目，而且最正系用料十足，内有韭菜、猪肉、葱和萝卜，啖啖滋味。
另外每张台都摆放咗一樽餐厅秘制嘅招牌辣酱，以纯人手制作，入口辛而不辣，用嚟拌饺子吃，味道一流！
见到餐牌有炖汤，又即时加咗盅雪梨炖猪肺 ($30)，睇下几足料，炖得火喉十足，入口清甜滋润，加上猪肺洗得好干净， 口感软腍有弹性，不得不赞。
面食方面，点了菜肉云吞担担面 ($48) 同 胡麻酱冷面 ($45)。担担面嘅肉碎分量恰到好处，面条爽滑有弹性，入口散发住浓浓嘅花生香，好惹味。云吞皮薄、内馅猪肉嫩滑，而且小店绝对冇放味精，绝对值得一试。
另外客胡麻酱冷面，口感亦唔错，面身弹牙，麻酱味道好香，分量亦啱啱好，唔会过多而感觉太腻，配上青瓜丝，食落好清爽。
饮品点咗豆浆 ($8) 同 陈皮山楂洛神花茶 ($15)，豆浆豆香浓郁，入口顺喉。洛神花茶加入了陈皮同山楂，味道酸酸甜甜，消暑又解渴。
张贴
