影片
更多
2018-01-26
1031 浏览
我好钟意食上海野，特别系生煎包、小笼包、炒年糕之类，不过香港上海野多系连锁式大集团，得一个人食就好难叫，今日黎尖TST呢边开会，见到呢间话系食上海菜既美味厨，有Lunch set，一于就试下啦。见到主打既都系家庭式小菜，但系有𩠌有饭有小菜/豆浆，1 Set $57，唔可以话平，但至少食得饱。我就叫左个排骨担担面拚拌粉皮，粉皮晶莹剔透呈米白色，上面铺垫了青瓜丝，同淋左一层麻酱，其实系咪麻酱都唔知，因为好重花生酱味，有D似稀释左既花生酱，都几香，但食得多会漏。担担面一碗好邪恶，汤底好浓郁，就好似拌粉皮既酱汁再加辣一样，甜中带有坚果香味，好香，好重口味。有花生碎、芝麻、豌豆尖、葱花铺面，色彩缤纷。面系淡黄色应该加左鸡蛋去搓，入口冇碱水味，面身较幼，好爽口有弹性，面可以挂到汤，所以带入口都好香麻酱味。上海将猪扒叫做排骨，炸排骨香酥金黄，色泽油亮，切开都有5大件，成块同一个成年男性既手掌差唔多大。叫就叫排骨但唔系好多骨，肉唔系好厚但胜在粉浆都好薄身，唔会话咬落去就系食紧面粉，略油腻但可以接受。整体而言，味道OK，有种似品尝紧一个上海家庭主妇既手艺既感觉。不过食物略油腻，不过可能系因为担担面本身就
见到主打既都系家庭式小菜，但系有𩠌有饭有小菜/豆浆，1 Set $57，唔可以话平，但至少食得饱。
我就叫左个排骨担担面拚拌粉皮，粉皮晶莹剔透呈米白色，上面铺垫了青瓜丝，同淋左一层麻酱，其实系咪麻酱都唔知，因为好重花生酱味，有D似稀释左既花生酱，都几香，但食得多会漏。
担担面一碗好邪恶，汤底好浓郁，就好似拌粉皮既酱汁再加辣一样，甜中带有坚果香味，好香，好重口味。有花生碎、芝麻、豌豆尖、葱花铺面，色彩缤纷。
面系淡黄色应该加左鸡蛋去搓，入口冇碱水味，面身较幼，好爽口有弹性，面可以挂到汤，所以带入口都好香麻酱味。
上海将猪扒叫做排骨，炸排骨香酥金黄，色泽油亮，切开都有5大件，成块同一个成年男性既手掌差唔多大。
叫就叫排骨但唔系好多骨，肉唔系好厚但胜在粉浆都好薄身，唔会话咬落去就系食紧面粉，略油腻但可以接受。
整体而言，味道OK，有种似品尝紧一个上海家庭主妇既手艺既感觉。不过食物略油腻，不过可能系因为担担面本身就系较高油脂既食，加埋炸排骨，邪恶到不得了。
张贴
