影片
更多
2013-05-01
417 浏览
今日妈妈竟然话出去晚餐~~仲同埋亲友一齐食原来系出发去新蒲岗, 顺便去参观下堂哥既新办公室~上去坐完, 堂哥就提议去食呢间迎月其实之前我都曾经黎食过午餐, 因为妈妈就系附近工厂返工但就未试过食小菜喇, 今晚终于可以一试!今次由堂哥发板, 本来好想叫辣酒煮花螺既佢见到今晚既孖宝餐, 就转左驮喇, 哈哈!!!我地就叫左TOTAL 6 样野~第一样登场系黄金虾!呢个黄金虾就比较湿, 冇好似南山村个间整得咁干身...不过个縠上面既味道就非常好, 好香蛋黄味呀!!真系要LAM干净个虾壳先得咬开虾身, 反而就冇咩味道...不过虾肉都好爽口,同埋中型SIZE, 啖啖肉!!第二样系孖宝餐既 - 避风塘鱿鱼拼鳝条一黎到, 除左红色一大遍既辣椒同蒜粒, 真系乜都睇唔到XDD隔开少少D配料, ER...好似唔太揾到D主角㖞...鱿鱼都揾到3-4条, 但鳝就真系完全失踪左㖞!!!得返D虾干同腰果.....呢个菜当小食送啤酒过下口瘾就好, 但要送饭真系完全失败了!!!说好的鳝条呢!?!?!??! 第三味既哥哥推介既南乳鸡!!当佢黎到既样, 同我想像既有D唔一样㖞我仲以为好似人地D咩风沙鸡个D, 见到骨, 斩开一
原来系出发去新蒲岗, 顺便去参观下堂哥既新办公室~
上去坐完, 堂哥就提议去食呢间迎月
其实之前我都曾经黎食过午餐, 因为妈妈就系附近工厂返工
但就未试过食小菜喇, 今晚终于可以一试!
今次由堂哥发板, 本来好想叫辣酒煮花螺既佢
见到今晚既孖宝餐, 就转左驮喇, 哈哈!!!
我地就叫左TOTAL 6 样野~
第一样登场系黄金虾!
呢个黄金虾就比较湿, 冇好似南山村个间整得咁干身...不过个縠上面既味道就非常好, 好香蛋黄味呀!!
真系要LAM干净个虾壳先得
咬开虾身, 反而就冇咩味道...不过虾肉都好爽口,
同埋中型SIZE, 啖啖肉!!
第二样系孖宝餐既 - 避风塘鱿鱼拼鳝条
一黎到, 除左红色一大遍既辣椒同蒜粒, 真系乜都睇唔到XDD隔开少少D配料, ER...好似唔太揾到D主角㖞...
鱿鱼都揾到3-4条, 但鳝就真系完全失踪左㖞!!!
得返D虾干同腰果.....
呢个菜当小食送啤酒过下口瘾就好, 但要送饭真系完全失败了!!!
说好的鳝条呢!?!?!??!
第三味既哥哥推介既南乳鸡!!
当佢黎到既样, 同我想像既有D唔一样㖞我仲以为好似人地D咩风沙鸡个D, 见到骨, 斩开一件件个D
佢呢个外型成个炸鸡球咁, 好搞笑
食落口, 鸡肉仲好嫩~~虽然系炸不过唔系好油~
好厉害既功夫!!!
之后..等左好耐好耐..好耐好耐..其余既𩠌都未登场..
唔知系咪因为煲仔唔够用呢...
哈哈, 好彩同经理讲左一下, D𩠌就陆续登场喇!
呢个系贴系墙推介既干烧杂菌牛柳粒煲
WOW~~好有镬气呀, 上左煲仔仲ZA ZA声~~上到台香喷喷, 即刻试食~~
食左D杂菌~~好入味呀!!!! 佢虽然浓味, 但唔系过咸个种
岩岩好, 尤其系对D菌类简直FIT哂!!!
牛柳粒都好出色, 件件都有返咁上下睇头, 唔会变迷你牛牛XD
成个煲都好好味, 好夹呀!! 不过上左台真系要快手捞捞佢
因为个煲真系好热, 唔整下个底, D菇真系会㶶哂呀!!
之后上场系啫啫通菜煲, 其实系等位个阵见到人地嗌, 好吸引!!所以都ORDER左一个试下~~
都系好够镬气, 同家庭式既炒通菜真系无得比!!!
如果佢虾酱味再多返DD就好喇, 而家食落就淡口左D~~
压轴既系孖宝套餐既蒸扇贝!
本身个餐得4只, 但因为我地6个人唔够分, 就额外加左2只!哗呢个扇贝真系要赞下, 好有心机
佢有心机既位置系, 平时一般街外食既, 都系就咁放D粉丝蒜上去
有时D粉丝可能干左, 有时D扇贝肉可能一D味都冇, 因为都索唔到D蒜既味道
但迎月呢个就见到佢应该将蒸左既扇贝起左肉出黎, 用少少献汁上过
先再铺返粉丝同蒜系上面, 所以食落口, 所有野都系入味既!!!
而且个扇贝肉唔韧, 品质值得一赞呀!!
总括黎讲, 呢度既菜式都多, 但份量就偏细..
始终佢价值算系大众份, 个孖宝餐都只系138...算抵食!
不过佢上菜既速度要提高下喇, 唔系个白饭冻哂, D𩠌都未黎到呀!!XD
张贴
