煮意

营业中

休息中

之前经过上环苏杭街见到有间细细哋嘅餐厅，望落几靓不过𠮶日已经食咗嘢，第二个礼拜特登走返去上环试吓。餐厅位于苏杭街其中一个转角位，喺楼梯位侧边。餐厅都算细间，我谂最多可以坐到5到6人，我入去𠮶时成间餐厅只系得老板老板娘同埋另一位食客，加埋我总共得四人。餐牌上一共有九款菜式，我第一眼就比佢个蒜香大蚬意大利粉吸引到。跟餐可以要汤或者餐饮，亦可以加五蚊两款要晒，不过我就唔系特别肚饿，所以净系要咗杯冻柠茶就算。到我碟意粉到𠮶时，另一位食客巳经走咗，餐厅入面嘅声音得返老板、老板娘同埋佢哋睇紧嘅饮食节目，感觉几舒服。意粉嘅蚬又真系几大只，个名冇改错，而且都好多只，有成七至八只蚬。总括感觉几舒服，食物嘅味道亦有水准，下次可以带埋朋友一齐试。