醉雞火鍋店

营业中

休息中

九点左右到店，门口仲有人等紧位，幸好有两人枱，唔驶等，店铺唔算大，大家坐得都几密，眼见都系一家大细或者庆祝生日，气氛几温馨，店员又同顾客有讲有笑，有家既感觉。第一次试呢间，店员热情介绍食物和食法，我地要左个醉鸡加象拔蚌套餐，另叫其他火锅料。醉鸡锅十分香浓，鸡非常入味又够滑，我个人认为酒度足够，但略为甜左D，盖过左D药材味。象拔仔唔错，几新鲜弹牙；虾亦都够大只爽口；不过蛏子就好细只，而且可能开耐左唔算新鲜。牛肉非常正，肉味够有咬口；脆鲩有三大件，完全系厚切，爽脆抵食；自家制饺其实口感唔错，不过腌肉应该重手左，咸左D。整体黎讲都算不俗，可以再试。