上班族 (已結業)

之前经过见到门口位叔叔派传单，同埋系小店，特意黎支持一下。入到铺面，小店干净热情既招呼，唔错🙂今次我叫左佢新推出既鱼汤米线，可以拣三个𩠌，我拣左鸡翼，鸡尾肠同冬菇。个冬菇好入味，菇肉好厚身，够味，多汁，鸡翼超级大只，肉林，但就有小小唔够入味，但份量搭够。佢个鱼汤完全系妈妈既味道，岩岩入口有点清甜，后尾会有淡淡既鱼味，食完个面后，完全饮晒所有汤🥰最后同事叫左个叉烧蛋饭同埋杂果沙律仲有磨菇汤。叉烧半肥瘦，唔un,有肉味，送饭一流，同埋每款野食佢会配左d菜，感觉好健康。杂果沙律同平时系街食既唔同，佢呢款系好家庭式既味道，苹果爽口，好新鲜，会令人谂起细个系屋企食既感觉。另外磨菇汤好足料，啖啖都充满住磨菇既口感同味道。老板既热情招呼，好值得有下次既光临。