影片
更多
2018-07-19
179 浏览
带女朋友见妈咪，老一辈既人系饮食方面都比较传统。灵机一触之下带妈咪去利舞台既利宝阁食饭！加上妈咪同我一样都系无饭不欢，所以去中餐就最好不过！人齐就去到目的地。环境优雅清静，最岩家人聚餐。门面装潢高尚，坐位舒适干净。坐底后已经有部长准备好餐牌比我同家人睇，极快速度就开埋茶，神速！睇下一阵餐牌，以下就系今晚食既野！谷饲叉烧蛋套餐 蔗渣价钱，烧鹅享受！一百八十八蚊食到两个菜式已经唔错，当中包括谷饲叉烧蛋饭，鲍参佛跳墙，绝对超值！谷饲叉烧蛋饭 以大红鸡碗公呈上，符合叉烧饭既性质，价廉物美既美食，外卖加分！叉烧爽口，切口一致。肥瘦分明，蜜汁甜度岩岩好，唔太油腻！饭量足够二人食用，煎蛋外皮脆口。半生熟蛋既蛋黄最岩拌饭，整体黎讲算高水准！鲍参佛跳墙 足料！当中包括海参，白花胶，金华火腿，鲍鱼，猪肉。以一个小炖盅呈上，打开时热度十足！白花胶爽口，海参系刺参，食落口稔滑。味道方面，绝对唔系死咸味！呢点做得比其他同行出色，食到其他炖料既味道。汤汁带有稠性，都系白花胶既功劳。可以用精品黎形容，大家不妨一试！碧绿炒班球 份量例牌，足够四人用。西芹经过飞水处理，但不失爽度，色泽脆绿，咬落口唔会带有草腥味。班
谷饲叉烧蛋套餐 蔗渣价钱，烧鹅享受！一百八十八蚊食到两个菜式已经唔错，当中包括谷饲叉烧蛋饭，鲍参佛跳墙，绝对超值！
谷饲叉烧蛋饭
以大红鸡碗公呈上，符合叉烧饭既性质，价廉物美既美食，外卖加分！叉烧爽口，切口一致。肥瘦分明，蜜汁甜度岩岩好，唔太油腻！饭量足够二人食用，煎蛋外皮脆口。半生熟蛋既蛋黄最岩拌饭，整体黎讲算高水准！
鲍参佛跳墙
足料！当中包括海参，白花胶，金华火腿，鲍鱼，猪肉。以一个小炖盅呈上，打开时热度十足！白花胶爽口，海参系刺参，食落口稔滑。味道方面，绝对唔系死咸味！呢点做得比其他同行出色，食到其他炖料既味道。汤汁带有稠性，都系白花胶既功劳。可以用精品黎形容，大家不妨一试！
碧绿炒班球
份量例牌，足够四人用。西芹经过飞水处理，但不失爽度，色泽脆绿，咬落口唔会带有草腥味。班球系新鲜海鱼货，绝对唔系养鱼。食落口系食到海鱼既味道。整体唔油腻，班球份量都不输西芹。再配红椒装饰，增加菜式色彩对比感！
竹笙珍菌烩上素
所谓烩既意思，即系将素菜混在一起加汤汁煮。都几考师傅技巧。不过呢间中菜师傅相当老练。可以将竹笙，牛肚菌，粟米芯，西兰花，木耳，素鲍片呢几种烹调时间唔一致既材料一拼煮成，所以落料既先后次序唔可以错，当然食到竹笙，牛肚菌既稔滑，其他素菜既爽脆，再配以素蚝油混合煮成。果然冇失望！因为未煮熟既竹笙会似食紧洗衫网咁，系相当难入口。唯一有少少唔完美既地方就系西兰花有少少焦味，不过整体都非常好食！
花开富贵
个名相当吸引，优雅，所以就点黎试下。上菜黎卖相果然符合菜名！创作呢个菜式既师傅相当聪明。以漳州大雪耳为花，木耳为花底部，小唐菜为叶，再配以蕃茄片，整个菜式舖排正正想带出一枝正盛开既菊花。卖相绝对满分，更一改中菜比人有炒埋一碟既形象，为中菜争一口气！味道方面，雪耳爽滑，吸哂汤汁。证明烹调时间相当足够，木耳如是。再配以鱼汤煮成，汤汁跟蔬菜味道配合，唔会单调乏味！
银芽肉丝双面黄
呢个菜式又系麻烦习作，原因唔系在于肉丝，系在于面底。因为面底做到脆口系有一定难度，太猛火既时候，面身会烧焦。太细火，会导致面身水份未抽干，难以入口。当然一间高质既食府又点会比一个双面黄难到呢～呈上既时候已经闻到好香既烘干面味，令人食指大动！面身薄而脆，不油腻，唔想食到成口油。值得一赞地方，荚汁，浙江红醋分开呈上，做法相当高明，一来可以等客人自行决定加芡汁一拼食用，二来可以减少面身回软时间，芡汁不咸，偏淡味，加分！肉丝份量足够银芽爽脆，唔会煮过时间！相当好味
红枣茶
饭后解腻甜汤，红枣采用无核红枣，肇实，再配以冰糖炖制以成。味道清甜，唔会有愈饮愈甜既感觉！红枣冇酸味，值得一赞！
整体而言，不论上菜速度，服务态度都十分高水准，如同上宾。三不五时更帮我地排盘，等我地方便夹野食，态度好到我都有少少唔好意思！再一次多谢招待过我同我家人既服务人员，你地既殷勤服务令我对利宝阁既印象更加深刻～下次会再去光顾！
张贴
