影片
更多
2020-09-08
481 浏览
星期日又去咗观塘Hea，之前朋友介绍有间楼上舖西餐唔错，所以特意前来。「Le Monde」地点就喺牛头角集中有嘢食𠮶幢大厦上面，旧舖位原来系酒吧，我都嚟过睇波⚽️。餐厅环境系靓㖞，佢有别于其它工厦西餐厅咁装修到天一半地一半，呢度系成个场执靓过哂！再者呢度面积够大，空间感十足，包场搞Party一流🎉。周末有做Brunch Menu，同平日嘅Lunch Menu差唔多价钱🍽。一份餐平均百几蚊，放假食下都OK嘅，当然愿意俾依个价钱亦系贪呢度好坐，无焗促嘅感觉。龙虾汤(跟餐加配$25)，我好开心餐汤唔系一般嘅忌廉汤或者罗宋汤🙈，因为龙虾汤真系浓郁同好味好多。虽然个汤无落虾肉，但已经好好饮，令我好满足。跟汤仲有搭配沙律菜同面包。我哋叫嘅两份午餐都系有厨师推介Logo👨🏼🍳，咁即系招牌菜啦！法式慢煮油封鸭脾配薯蓉及酸红椰菜Le Monde Confit Duck Leg with Mashed Potato & Braised Red Cabbage($158)，呢道菜真系必食推介😋。主角油封鸭髀真系烧得好鬼正，佢个脆皮直头有烧乳猪咁脆，而且只脾好大只，够哂厚肉🍗，肉又嫩。至于几样伴碟菜亦同样出色
星期日又去咗观塘Hea，之前朋友介绍有间楼上舖西餐唔错，所以特意前来。「Le Monde」地点就喺牛头角集中有嘢食𠮶幢大厦上面，旧舖位原来系酒吧，我都嚟过睇波⚽️。
餐厅环境系靓㖞，佢有别于其它工厦西餐厅咁装修到天一半地一半，呢度系成个场执靓过哂！再者呢度面积够大，空间感十足，包场搞Party一流🎉。
周末有做Brunch Menu，同平日嘅Lunch Menu差唔多价钱🍽。一份餐平均百几蚊，放假食下都OK嘅，当然愿意俾依个价钱亦系贪呢度好坐，无焗促嘅感觉。
龙虾汤
$25
18 浏览
0 赞好
0 留言
我哋叫嘅两份午餐都系有厨师推介Logo👨🏼🍳，咁即系招牌菜啦！
法式慢煮油封鸭脾配薯蓉及酸红椰菜
$158
26 浏览
0 赞好
0 留言
至于几样伴碟菜亦同样出色，特别系菜名无提及嘅红酒酿梨🍐，红酒味超强、超浓烈，我醉了。另外，薯蓉同酸椰菜就系预期中嘅好食。
煎法国鲭鱼配萝卜醋汁及炸薯条
$108
19 浏览
0 赞好
0 留言
鲭鱼鱼肉有口感🐟，点埋萝卜醋汁食完全无腥味，但都要小心鱼骨。炸薯条方面🍟，佢系幼身麦记𠮶种，不过就新鲜炸起，脆好多。
最后，就系餐饮(+$20)：冻柠茶同热奶茶，如果唔驶加钱就更好🤭。
服务方面，店员们好好礼貌，佢仲叫我哋迟下可以嚟食晚饭，选择会更加多😁。不过价钱都少贵，午餐时段相宜啲。
总括嚟讲，餐厅整体几好，食物质素唔错，份量适中。不过最抵赞都系个环境，好啱一班人或者家庭聚会。观塘又多一间值得推介嘅西餐厅啊😜！
张贴
