影片
港铁牛头角站 B6 出口, 步行约5分钟
继续阅读
电话号码
36197969
开饭介绍
餐厅环境雅致，由富多年餐饮经验的团队主理，以世界各地的优质食材，炮制精致的法式料理。
继续阅读
营业时间
今日营业
11:30 - 22:00
星期一至五
11:30 - 22:00
星期六至日
12:00 - 22:00
以上资料只供参考，请与餐厅确认详情
有关奖赏计划
相关文章
依間係觀塘既樓上法國菜 裝修精緻 Dinner Set $388-$568 有意粉紅蝦牛扒 相當抵食😆唔少人黎都係慶生🎂今次揀左dry aged牛扒set $438-Appetizer-✿ 挪威三文魚他他配三文魚籽及牛油果醬 ✿牛油果醬幼滑🥑以檸檬汁調味 酸酸甜甜三文魚他他同三文魚籽鮮味十足 仲有洋蔥粒增加口感-Soup-✿ 法式洋蔥湯 ✿餐包有兩款 非常熱辣辣 食落軟熟唔乾身🥖一款係rose may一款係南瓜籽 口感豐富~ 洋蔥湯面有厚厚既芝士拉絲🧀湯入面有洋蔥絲既份量好多🧅飲落好清甜-Main Course-✿ 炭燒美國特級西冷牛扒配紅酒燒汁 ✿用上28日dry aged牛扒 外表煎香 入面依然粉嫩淋身仲有炸薯波做配菜 比一般用薯蓉更香口 -Dessert-✿ 意大利檸檬雪糕球 ✿依個甜品淨係打卡都100分~店員席前倒入乾冰🧊整個甜品即刻噴晒煙💨檸檬雪糕好大球 食落偏酸 可以清一清成餐飯既咸膩感✿ 櫻花蝦虎蝦配濃蝦汁意大利飯 $158 ✿另外嗌左一個A La Carte Risotto虎蝦超大隻🦐蝦肉彈牙入味Risotto不論聞落定食落都係超濃蝦味 齒頰留香🫦✿ Le Monde Colada $68 ✿無酒精版本既pina colada🌴椰奶加入了鳳梨汁 椰香味重🥥鳳梨汁令整體更清新 充滿著熱帶風情🌤️✿ Fuzzy Melon $ 78 ✿Vodka基底既cocktail🍹賣相感覺清新 蜜瓜味突出🍈
继续阅读
爸爸👨🏻嘅生日 除咗”鮑魚蛋糕” 之外🤣我哋仲食咗餐法國菜~ 揀咗觀塘呢間樓上法式餐廳價錢比起一般法國菜 已經算系相對入門級別對於想慶祝而budget唔多嘅朋友 可以考慮下呢間~ 不過都系帶定頭盔 食得法國菜一定唔會平🤣👍🏿餐包 (Free) 餐包系對餐廳嘅first impression 當中有唔少細節位可惜木藍嘅surface area太大 而麵包相對細用毛巾墊住 但冇盡量包住起唔到keep warm嘅作用不過~好彩佢嚟到嘅時候都真系烘到好熱有兩款 分別系rose mary麵包同穀物麵包兩款都算軟熟 軟得嚟帶啲韌性 Rose mary麵包唔知點解食落似薑味😳但個人鍾意穀物嗰款多啲外面微脆 表面加咗南瓜籽 仲有啲奇亞籽混合之後口感冇咁dry 食到啲麥香 唔錯但就冇話好特別味道: 7/10 .Dinner set menu包一個appetizer 一份餐湯 一個main dish 一份甜品同埋coffee/tea 價錢depends on main course👍🏿挪威三文魚他他配三文魚籽及牛油果醬底部系非常幼滑嘅牛油果醬 配合帶微酸嘅調味基本上唔系好覺佢系牛油果🤣三文魚切碎舖喺面 ok鮮嘅口感唔錯 食落都冇筋配搭三文魚籽嘅鹹鮮 同爽脆洋蔥幾refreshing 味道: 7.5/10 👍🏿龍蝦濃湯可能期望過高 turns out有啲失望雖然自稱濃湯 但又唔算好濃郁質感偏稀身少少不過飲落帶啲龍蝦嘅鮮甜 抵讚嘅系佢有落啲龍蝦肉 雖然得兩粒仔😂其實味道唔差 但收得呢個價會有更高嘅expectation 而佢就只系so so🤷🏿♀️味道: 7/10 👍🏿炭燒美國特級西冷牛扒配牛酒燒汁 $438 *呢個價錢包埋上面提及嘅前菜餐湯同下面會講嘅甜品 仲有杯coffee/tea* 嗌咗5成熟 嚟嘅時候呢個狀態呢個色水 史努比都系第一次見🤣平時牛扒通常呈粉紅色 但呢個粉得嚟偏紅啲牛扒外面煎香咗 咬落非常之淋身 易咬得嚟唔會用粉乸到冇牛味食到淡淡嘅牛肉香雖然感覺牛脂唔算好豐富 食落爭咁啲油香同肉汁但確實好軟嫩!😳初初以為佢好多肥膏 但邊邊位原來一半系筋一半系肥膏同埋肉嘅部分都比較少肥肉 所以可以放心食😂不過有幾個扣分位某幾件頗多筋位🥴同埋鹽落得稍為多咗啲 但唔算鹹到唔好食伴碟有史努比鍾意食嘅西蘭花 長條形 食落爽脆特別之處系佢冇薯蓉 取而代之嘅系炸薯波都幾香口 比起薯蓉更有口感 薯味更重而食落唔粗糙 Overall味道唔錯 但未算驚喜味道: 8/10 性價比: 6.5/10 👍🏿原隻鮮果雪葩 +$58 一早已經聽講呢間嘅雪葩好特別 成個水果上佢哋有三款口味 分別系檸檬 菠蘿同椰子史努比豪不猶豫咁揀咗檸檬🤣因為好鍾意食酸嘢嚟到嘅時候店員倒啲水入去噴晒煙咁 好啱打卡🤭 *史努比拍片嘅時候唔小心錄埋爸爸👨🏻把聲😂* 成個檸檬真系塞滿雪葩 份量幾多第一啖食 酸酸may may 啱晒大餐之後食 解解膩雪葩質感嚟講 佢算幾滑 少少碎冰都冇食得出佢刨咗啲檸檬皮去整 令雪葩更清新可惜佢刨檸檬似乎刨得太深 連埋白色肉都刨埋入去所以食到微苦澀如果唔苦嘅 其實佢幾好食🥴利申返本人鍾意酸嘢😂爸爸👨🏻話好酸唔好食味道: 7/10 性價比: 7/10 .👍🏿海鮮蟹肉闊蛋麵 $158 本身以為闊身嘅麵條 通常都比較淋點知呢個闊蛋麵 又幾彈牙 好有口感🤭帶啲蛋味~幾唔錯以史努比嘅認知 闊蛋麵掛汁能力比幼身麵條弱所以通常會配白汁 即系忌廉重嘅嘅sau食得法國菜一定唔會平ce令佢更惹味今日呢個做法 史努比好鍾意採用番茄忌廉嚟整pasta sauce 令醬汁creamy容易掛汁 而又帶番茄嘅酸 食落唔會好膩😚唔多覺有蟹肉嘅存在 可能打咗入個sauce度? 但食唔出 只系推斷值得一讚嘅系海鮮份量好多佢唔系得個名叫海鮮意粉真系好多唔同種類嘅海鮮🥰有蝦有帶子 仲有青口 花甲同三文魚帶子煎香咗底部 有一面冇煎 所以唔算好香可惜佢已經系全熟狀態 口感上冇咁好~ 三文魚幾滑身 其他都唔錯呢個價錢 史努比覺得系值嘅~ 味道: 8.5/10 性價比: 7.5/10 . *另設加一服務費*🔸Le Monde Rainbow$78 呢杯果汁成份高啲 爸爸👨🏻話fresh d 🔸Baicolate $78 呢杯就creamy d 酒味稍為濃啲🤏🏿*另設加一服務費* 史努比覺得佢哋嘅主食好食過其他不過唔系試好多款 未必能作準 Overall水準唔差 但又唔算話驚喜以一個入門價位嘅法國菜嚟講 可以一試~ 整體評分：味道: 7.5/10 環境: 8.8/10 服務: 8/10 衛生: 8/10 抵食: 7/10
继续阅读
Dinner set 8:30前賣單都有7折優惠，折完性價比極高，$300左右就食到咁高質既西餐，值得推薦😆😆🩵煙三文魚蜜桃田園沙律沙律菜最緊要新鮮，沙律汁夠開胃，呢到兩樣都做到，仲有煙三文魚同蜜桃，口感更豐富～🩵黑松露忌廉蘑菇湯伴餐包熱辣辣既餐包，配creamy又濃郁既蘑菇湯，仲有啖啖既黑松露香味👍🏻🩵西班牙八爪魚鮮墨汁扁意粉超級墨汁既八爪魚扁意粉，唔係得個顏色，係新鮮既墨魚汁，八爪魚爽口但唔會咬唔開，好出色！🩵炭燒美國頂級牛扒配紅酒燒汁牛扒超級軟淋，唔洗點用力就咬得開，紅酒燒汁唔會太濃搶味，不錯😗🩵精選甜品馬卡龍配精選蛋糕🎂 細細份甜品做結尾，份量岩岩好～
继续阅读
餐廳：Le Monde地址：觀塘巧明街94~96號鴻圖中心9樓A室老公今晚想食西餐，今晚就嚟細妹介紹的呢間試試，高水準啊！❤️煙三文魚蜜桃田園沙律真係好正，色彩繽紛，擺盤好靚😋🥗沙律入面有煙三文魚、芝麻、生菜、黃椒同車厘茄等👍煙三文魚同蜜桃🍑嘅配搭清新爽口，味道獨特，口感豐富，非常健康，呢道沙律絕對值得一試😋❤️蘑菇湯質地香濃滑溜，湯面上有少量忌廉同橄欖油，再加啲香草碎，令味道更加豐富。配埋個外脆內軟嘅麵包，真係絕配😋🍲❤️北海道帶子黑松露野菌意大利飯今日試咗北海道帶子黑松露野菌意大利飯，真係正到爆！🦪帶子外脆內嫩，鮮甜多汁；黑松露香氣撲鼻，撈飯食超香濃🍄；野菌爽脆，同帶子松露好夾。意大利飯煮得啱啱好，creamy又唔膩🍚👍😋❤️炭燒美國頂級牛扒配紅酒燒汁 有香噴噴的炭燒香味，廚師技巧好掂，生熟度掌握得啱啱好，就係我哋點嘅Medium rare，肉質嫩滑，配紅酒燒汁也十分匹配，口感豐潤😋另外值得一提的是原來餐廳逢週一、五有現場樂隊表演，下次要嚟欣賞吓啦😀
继续阅读
呢間餐廳係炮製精緻嘅法式料理，仲有live band表演，氣氛幾好，如果撞岩有表演係另一種享受。📍煙三文魚蜜桃田園沙律新鮮嘅蜜桃同煙三文魚，搭配脆口嘅沙律菜，口感清新。煙三文魚帶有淡淡嘅煙熏香味，與蜜桃嘅甜味相互輝映，食落去好開胃，令人感覺輕盈📍蔬菜湯+餐包配牛油蔬菜湯嘅口感滑順，湯底清淡卻鮮味十足，裡面有多種新鮮嘅蔬菜，每一口都帶出蔬菜嘅自然甜味，十分舒適，好適合做開胃菜📍香辣蝦乾海蝦茄蓉意大利粉意大利粉煮得剛好，口感滑順，搭配上茄蓉醬，味道濃郁。蝦乾同海蝦嘅鮮味喺醬汁入面釋放出來，還有一絲香辣，令整碗意粉更加豐富，食落去有層次感。📍炭燒美國頂級牛扒配紅酒燒汁牛扒外層炭燒得香脆，內裡保持住多汁，咬落去肉質鮮嫩，汁水四溢。紅酒燒汁嘅味道醇厚，恰到好處，令肉味更突顯，搭配牛扒簡直完美。📍甜品 (焦糖蘋果蛋糕配馬卡龍)口感柔軟，蛋糕體濕潤，帶有淡淡嘅焦糖香氣。朱古力馬卡龍外脆內軟，口感非常細膩，甜度適中。🔹🔹🔹🔹🔹🔹🔹🔹🔹🔹#Le Monde觀塘巧明街94-96號鴻圖中心9樓A室🔸🔸🔸🔸🔸🔸🔸🔸🔸🔸
继续阅读