影片
更多
2020-02-20
78 浏览
之前屋企人生日， 由于老人家既钟意饮茶、亦钟意食中菜， 选择咗喺如心广场商场一期嘅《 点一龙》。呢间餐厅嘅装修以红白为主题， 地方宽敞， 非常适合家庭聚会。龙虾汤三皇饺$55， 呢一款系fusion点心， 用上西式嘅龙虾汤配上中式嘅虾饺王。龙虾汤非常浓郁， 香气十足， 而三皇饺里面嘅鲜虾非常弹牙， 咬落爽度十足。黑蟹子小笼包$39， 喺家传户晓嘅小笼包上面加上几粒黑蟹子， 黑蟹子除咗做点缀之外， 亦提了一点点鲜味。 小笼包皮薄馅靓， 一咬下汤汁就喷出来， 真的要小心烫咀。 肉馅相当鲜甜， 加上少少黑醋，更添鲜味。杞子鲜虾烧卖$39， 去酒楼食点心友是又点少得烧卖呢？ 呢度嘅 鲜虾烧卖即叫即蒸，外皮唔会因为番蒸而变得软淋。 肥肉瘦肉分布平均，食落有瘦肉嘅肉味， 同时亦有肥肉嘅油香。 加上上面饱满嘅鲜虾， 令烧卖嘅卖相更为吸引。海虾脆春卷$39， 一度点心即叫即炸， 所以送上嚟嘅时候热辣辣脆卜卜， 呢个春卷用咗最新鲜嘅海虾， 食落除咗弹牙之外， 易加添一份鲜甜味。呢度嘅煲仔饭亦系推介， 叫咗呢一个鸳鸯肠蛋黄煲仔饭$98， 除咗有我最钟意嘅润肠和腊肠之外， 亦有一个蛋黄干， 成个煲仔饭嘅感觉
呢间餐厅嘅装修以红白为主题， 地方宽敞， 非常适合家庭聚会。
龙虾汤三皇饺$55， 呢一款系fusion点心， 用上西式嘅龙虾汤配上中式嘅虾饺王。龙虾汤非常浓郁， 香气十足， 而三皇饺里面嘅鲜虾非
常弹牙， 咬落爽度十足。
黑蟹子小笼包$39， 喺家传户晓嘅小笼包上面加上几粒黑蟹子， 黑蟹子除咗做点缀之外， 亦提了一点点鲜味。 小笼包皮薄馅靓， 一咬下汤汁就喷出来， 真的要小心烫咀。 肉馅相当鲜甜， 加上少少黑醋，更添鲜味。
杞子鲜虾烧卖$39， 去酒楼食点心友是又点少得烧卖呢？ 呢度嘅 鲜虾烧卖即叫即蒸，外皮唔会因为番蒸而变得软淋。 肥肉瘦肉分布平均，食落有瘦肉嘅肉味， 同时亦有肥肉嘅油香。 加上上面饱满嘅鲜虾， 令烧卖嘅卖相更为吸引。
海虾脆春卷$39， 一度点心即叫即炸， 所以送上嚟嘅时候热辣辣脆卜卜， 呢个春卷用咗最新鲜嘅海虾， 食落除咗弹牙之外， 易加添一份鲜甜味。
呢度嘅煲仔饭亦系推介， 叫咗呢一个鸳鸯肠蛋黄煲仔饭$98， 除咗有我最钟意嘅润肠和腊肠之外， 亦有一个蛋黄干， 成个煲仔饭嘅感觉相当之油润， 猛火将鸳鸯肠嘅油分逼出嚟， 融入喺白饭当中， 至于煲仔饭里面嘅饭粒亦粒粒分明， 口感烟韧。 尤其喜欢里面嘅润肠， 甘香十足， 仲有阵阵玫瑰露嘅芳香。
挂炉烧鸭$88， 烧鸭烧得非常香脆， 外皮酥脆肉质嫩滑， 亦有鸭那份酥香， 以呢个价钱嚟讲， 实属超值。
养颜燕窝蛋挞$35， 呢一个蛋挞气派十足，上面舖上满满嘅燕窝， 用嚟孝敬老妈子就最适合不过。 蛋挞嘅挞皮非常酥脆， 配上 滑溜嘅蛋浆， 加埋一梳梳嘅燕窝， 净系望到都令人为之一振。
呢度有一个非常特别嘅甜品就系原汁原味西瓜糕$44， 呢个甜品嘅造型， 就好似切开咗一片片嘅西瓜一样， 相当精美。 咬落嘅口感同西瓜截然不同， 由于用咗西瓜汁同鱼胶粉， 食落除咗有西瓜嘅清新同清甜之外， 有软熟嘅口感， 非常过瘾。 呢个西瓜糕一定要记得洒少少梅粉， 梅粉嘅酸味， 更能提升西瓜嘅清甜。
杨枝甘露$40， 用料足， 有甜美嘅芒果汁同埋椰香， 里面亦放入咗大量西柚肉以及粒粒分明嘅西米。
一餐生日饭屋企人个个都大赞满意， 地点又方便， 而且又邻近大商场， 而且仲有高身bb櫈，系家庭聚会嘅好选择。
张贴
