梅花邨小館

营业中

休息中

今时今日喺旺区食饭好多时都系又贵又唔好食，而且好多都有用餐时间限制，要揾个地方约屋企人食饭聚会真系非常困难。由于今次聚会嘅成员都来自香港嘅五湖四海，所以地点偏向选择九龙市区，所以就选择咗喺长沙湾区嘅梅花村小馆。呢一间打冷小菜馆首先喺北角七姊妹道开业，喺未开长沙湾店嘅时候，细细个已经有支持开位于北角嘅本店，由于今次唔想屋企人过海咁远，所以就选择佢嘅长沙湾分店。叫咗嘅包括有店家推介嘅隐藏Menu：杏汁猪肺汤同埋客家酿豆腐，另外仲加咗椒盐九肚鱼，打冷必备嘅卤水鹅片，煎蚝饼同埋蚝仔粥。首先猪肺汤只需要$168 ，而且份量可以分到十碗，非常抵饮，另外猪肺亦都洗得干净冇异味，亦都唔系间间餐厅做到。另外果几样打冷小菜，味道亦都合格，五个人埋单大约$900，人均消费少于$200 ，价钱都算合理。