梅花邨小館

营业中

休息中

這家潮州餐館，我經常和家人過來吃晚飯不過今次是想推薦一下他們的午餐性價比極高！ $50up就能吃到非常好吃的潮州菜唯一在環境方面，其實對一人用膳不太友善因為是茶樓式的圓枱午飯時間都不好意思霸佔位置第一名推薦！！鵝片米粉滿滿一整碟鵝片,非常足料下邊還有滷豆腐第二名推薦！！招牌肉碎粥有很多蠔仔在裏面湯底清甜, 有肉碎，芫荽，冬菇及紫菜等等配料第三名推薦！！滑牛米粉份量很足的滑牛肉，特別調味的醬汁混合湯米粉，非常好吃第四名推薦！！蟹肉湯伊麵滿滿的蟹肉混合芡汁，冬菇和蔥，非常清新但混合到湯裏面的話，蟹肉會太過散所以會建議以沾麵的方式來吃

屋企人食飯揀咗附近依間潮州小菜館，八個人叫咗八個餸。全部都係家常小菜。梅菜扣肉肉嘅肥瘦啱啱好，梅菜唔會太鹹，送飯一流。豉椒鵝腸惹味但略嫌份量偏少。滷水拼盤味道都好。兩個菜：銀杏鮮竹浸時蔬同紅棗蝦乾勝瓜，細細碟算有特色，味道亦可。叫咗個鹽焗雞雞肉算好食。蠔仔粥$68. －大碗。呢度街坊小館坐得舒服，價錢合理服，務亦好。

餐廳環境闊落，仲有樓上一層，嚟嘅三次樓上都有大圍枱食飯我地都係兩位幫襯，先上茶同前菜，潮式鹹酸菜，非常好食韭菜豬紅豬紅量多抵食，韭菜就浸到過熟偏韌。湯汁眼睇非常濃郁，不過食落又覺得偏淡味小炒皇材料種類多，炸芋絲、韭菜花、蝦乾、魷魚、腰果，非常足料又夠鑊氣沙嗲牛肉粉絲可以揀芥蘭底，不過比較鐘意食粉絲佢嘅沙嗲醬太稠又醬多，不過師傅調較到多醬但偏淡，感覺唔夠沙嗲。牛肉用上滑牛，過份醃製好淋。。。酒鬼們，呢度係免開瓶費！

今時今日喺旺區食飯好多時都係又貴又唔好食，而且好多都有用餐時間限制，要搵個地方約屋企人食飯聚會真係非常困難。由於今次聚會嘅成員都來自香港嘅五湖四海，所以地點偏向選擇九龍市區，所以就選擇咗喺長沙灣區嘅梅花村小館。呢一間打冷小菜館首先喺北角七姊妹道開業，喺未開長沙灣店嘅時候，細細個已經有支持開位於北角嘅本店，由於今次唔想屋企人過海咁遠，所以就選擇佢嘅長沙灣分店。叫咗嘅包括有店家推介嘅隱藏Menu：杏汁豬肺湯同埋客家釀豆腐，另外仲加咗椒鹽九肚魚，打冷必備嘅滷水鵝片，煎蠔餅同埋蠔仔粥。首先豬肺湯只需要$168 ，而且份量可以分到十碗，非常抵飲，另外豬肺亦都洗得乾淨冇異味，亦都唔係間間餐廳做到。另外果幾樣打冷小菜，味道亦都合格，五個人埋單大約$900，人均消費少於$200 ，價錢都算合理。

同朋友食Farewell飯，佢話要食中菜揀咗呢間。六個人去到見到有個時令餐牌數量限定，即刻叫咗柚皮、油池、鹽焗花螺、蟹肉卷。油池原來係灌漿蘿蔔懷舊菜，好入味。柚皮煮得好腍唔澀。鹽焗花螺上菜時有表演，大大份又香口。後加咗酒煮黃雞、凍馬友、肉碎粥同粉絲雜菜煲凍馬友又肥又大條，唔使$300抵到爛。最後食埋反沙芋同芋泥作結。反沙芋嘅糖加咗蔥炒，好香好有驚喜。最後埋單每人唔使$300朋友直接表示要將呢度變成聚會飯堂。最重要係餐廳嘅哥哥姐姐全部好好人好有人情味，幫呢間高質餐廳加晒分。

是次為我的細叔慶祝生日，因他正在明愛醫院接受治療，所以就選擇了一間十分近醫院的潮州餐館來吃午飯！家人是預先訂位，職員非常貼心安排了餐館較入的位置，空間較闊落，讓大家可以坐得舒服啲👍🏻我因為工作未能出席，但聽到家人的回饋，一致認同餐館職員十分友善及細心，會為他們悉心安排座位，又幫忙影相，更會帶頭唱生日歌，提大家要比「心心」手勢，非常幽默，令到大家都很愉快🥰之後，為大家分配蛋糕，不會限定用餐時間，讓大家可以輕鬆進餐👍🏻，整體而言，是次生日飯，大家都感到很窩心及愉快！食物味道很好，份量足夠，價錢合理👍🏻非常感謝「梅花村小館」所有職員，你們的善心及愛心💗我們完全感受到！亦讓病者感到安慰🙇‍♂️祝你們身體健康、生意興隆😊😄😃#因是日大家都太開心，忘記把美食拍照😅

新派裝修，保留傳統雲石圓枱，加上潮式甜酸菜作小食，樣樣齊滷水拼盤 $ 138碟頭唔大唔細，但係已經上齊幾個款式。滷蛋、墨魚、紅腸、腩肉、豬耳同豆腐。每樣都各式其適潮式蠔餅 $ 90蠔粒飽滿，煎得香脆，內裏軟熟，少少煙韌，真係傳統好味道👍梅花邨小炒皇 $ 90面頭嘅炸芋絲又係傳統，加埋韮菜、豆潤、魷魚。。。。真係豐富好味，有菜有肉價錢合理，環境優雅，食物出品好，而且分開點菜都唔會黑面，咁多位姐姐都好友善，加上免開瓶費，聚餐勝地

五月時妹妹介紹這家潮州菜館，說食物夠地道，店員有人情味，價錢相宜；試過一次印象真的很好！最近有親友回港渡假，他們最想吃潮州菜，所以就帶他們往這家潮州小店再嚐。鵝片下是鹵水豆腐，鵝片鹵水味足夠，肉質不錯，而豆腐也夠滑！見到口水流出來大家對它讚不絕口，不過三個人已吃不下白飯，梅菜就唯有打包拎走了⋯另外還點了炸蝦丸蟹棗、金銀蛋浸小白菜和蠔仔粥，不過掛住傾計，今頓晚餐沒有為每款菜式打卡 蠔仔粥本來諗住叫一鍋，但下單姨姨姨姨怕我們吃不下太多，建議我們三人叫一碗已足夠，一碗原來都可以有大約4-5小碗金銀蛋浸小白菜也加入肉碎，令湯底更鮮甜，好正！一共五樣食物，最後全單合共$601.00

梅花村其實喺不過有一間，長沙灣呢度又有一間。雖然唔係大餐廳，但係都算係老字號。之前已經食過佢哋唔同魚 ，包括、鵝片、炸蠔等等。今次係第一次午餐去食嘅。原來午餐有set lunch ，包了一杯嘢飲。我哋今次兩個人，叫咗一個set lunch入邊嘅河粉。之前已經食過乾炒牛河，今次食清清地嘅。菜炒肉片河，味道適中，河粉好滑㗎！個蠔餅係單嗌嘅，雖然有啲貴，但我好鍾意食呢個蠔餅！長沙灣呢間因為嗰個位都比較大風，建議記得帶返件外套

叫了六人商務套餐，足夠七個大人和兩個小朋友吃。餸菜款式多樣，味道不錯，但可能吃慣了清淡些的菜，覺得多款偏鹹。食到尾聲，職員神秘地送了啫喱給小朋友，令她們十分高興。廁所乾淨，環境舒適。

朋友推薦呢間潮州店 一行11人 叫左唔少野 大概記得有：🍚招牌蠔仔肉碎粥🪿滷水鵝 （🌟好食）🫓煎蠔餅🍡炸蝦丸🧆豉椒炒鵝腸 （🌟好食）🍖甚麼甚麼炆豬肉 （🌟好食）🍤甚麼甚麼蝦粉絲煲 （🌟好食）黃金煎麵另外仲叫了菜 甜品 綠豆爽 反沙芋 （🌟好食）.店舖有上下2層 適合一班人敘舊gathering 可以一次過試多幾款食物😋整體食物質素不錯 店舖位於長沙灣 地鐵站行去大概10分鐘路程

早前去親戚家拜年，拜年後親戚帶我們到這間潮州菜館。當晚座無虛席，都是一枱枱家族飯局，非常適合一大班親友聚會🤟🏻🤎滷水拼盤 $138墨魚、豬耳爽口入味，豆腐都正😋而且還有紅腸、腩肉、滷水蛋，非常豐富。🦆滷水鵝片拼鵝肝 $328鵝片入味軟嫩，鵝肝好滑🤤🌺蜜餞梅花骨 $90香甜惹味👍🏻🤍灌漿蘿蔔 $25/件menu以外店員推薦，味道普通🦪煎蠔餅$90好多蠔仔，非常香脆😋🧡潮式煎伊麵 $90脆卜卜😝🥬啫啫時菜煲 $80夠鑊氣👍🏻❇️瑤柱粉絲什菜煲 $88足料，有瑤柱、粉絲、冬菇和雜菜！💜反沙芋 $98🟢福果綠豆爽 $98清甜而不膩，爽😊🟨鹹酸菜 $10 不會太酸，好開胃🤗🥜銀魚仔花生 $20🫖茶芥 $5/人

四個人，首先點咗一個鵝片+鵝肝，正常好食嘅，但非常小份卻要價300+一個灌漿蘿蔔糕（4件，$100）繼續落單2個餸，後等四十分鐘先來一道菜仲要重複上，上錯菜，話咗已經上過，端來端走又第二次端來，打擾我哋傾解唔明點改可以亂到成咁$138牛柳粒只有幾顆 真係數得出來魚蛋粉絲雜菜好咸好多味精魚蛋ok但真係等左太耐左右橫竪催咗好多次四個灌漿蘿蔔糕 $100 唔明好食係邊 仲要話係off the menu推荐菜最後叫咗蠔仔粥，半個鐘後都未上，忍唔住等太耐又無野食，直接取消買單走人 一碟花生$20 酸菜$10 加服务费服務係邊？最後三碟餸+蘿蔔糕埋單 $876荔枝角長沙灣附近大把好食過佢地嘅潮州菜見仁見智吧我唔會再去

環境正常。侍應反應同態度都ok。食物方面，我哋點咗栗子雞、鵝片、銀杏浸時蔬，一口牛、椒鹽九肚魚。全部味道正常。不過每碟份量好細。唔夠食。但四人埋單係$750，真係有啲貴。

一入到呢間餐廳，估唔到會有咁舒坦嘅格局。餐廳氣氛輕鬆得嚟，仲有啲得意嘅裝修。我哋揀咗幾樣招牌菜，逐樣嚟講吓我嘅感受。首先，就係隻凍烏頭🐟，唔係嗰種油花四溢嘅款式，而係啱啱好，適合追求清淡口味嘅食客；係啲咸，但係洗咁滯。接住，我地試咗炸雙棗🌰，啲味道係咁咁地，但係雙棗本身質感係OK嘅，得啲微妙嘅甘甜，之後就沉醉喺佢哋獨特嘅口感。當然唔少得必試嘅古法青衣柳煲🥘，簡直係鮮美得冇得頂，襯埋啲酸酸地嘅醬，真係開胃！總括嚟講，我覺得呢家餐廳真係有佢嘅特色，無論係環境定係食物。每樣菜都充滿咗溫暖嘅家常感覺，又唔失精緻。就算係不停歎氣中都忍唔住要讚一讚啲菜式做得咁嘆㗎啦！响呢度，每個小細節都令人覺得：「咁嘅好味，值得搵食！」