陳儀興尚潮樓 (英皇道)

营业中

休息中

带长辈去食家乡菜庆生系有啲压力，味道要正宗又要坐得舒服，开心揾到呢度大家都好满意，有高级饮宴嘅水平。富贵自选套餐有金牌红烧翅同潮式炸双枣，金牌红烧翅非常浓稠鲜美，鱼翅好足料，面头仲洒左炸瑶柱，甜上加甜。 红烧翅嘅调味好重要，食得出自家熬制上汤嘅鲜味，咸淡恰到好处，浓郁得黎唔会腻好清甜。潮式炸双枣有虾枣同蟹枣，各有特色，明确食到虾肉粒或蟹肉丝，真材实料。 双枣炸得外脆内软唔会油腻，蜜糖汁有加分作用，好似烧鸡翼搽蜜糖咁将件事升华左。油泡南澳岛鲜鱿幼嫩同时好爽口，大块厚肉，连埋炸珍珠叶一齐食好香口。 不得不提个虾酱真系一流，点一点个提鲜作用好劲，唔会太咸，有冲动想问师傅点较出黎。