盈圖

营业中

休息中

老豆话好耐冇见个孙，想我带出嚟畀佢睇下。我就谂不如揾个地方食晚餐，顺便畀佢老人家见下孙。然后上网揾下，有咩地方可以带细路同老人食饭，老公喺网上见到有人推荐呢间盈图中餐馆，我觉得都唔错，就打算带一家人嚟呢度食晚餐。我哋叫咗好多样𩠌嚟食，都好好食。斋煲非常适合老人同细路食，好营养，入面有好多菜，食住好清爽，蔬菜嘅味道都好清甜，非常香。蒸豆腐配带子都好好食，带子同豆腐可以体验到唔同嘅口感，然后淋上豉汁食，别有一番风味。阿爸同仔仔都好钟意呢味，就系西兰花炒带子，味道好鲜美，西兰花为带子提供唔同嘅口感，成道菜好甜好香，仔仔上菜嘅时候就流口水。我老公就好钟意焗海虾，虾非常新鲜，好香，有少少豉油嘅香气同咸味，令虾有更多层次嘅香味。我哋一家都食得好满足，我非常推荐大家都带家人嚟呢度食饭。