客家好棧 (已結業)

同两大长老食饭，星期日无得即日订枱！6点半去到，唔使等即刻有位，大堂楼底唔算高，装修光鲜！四人枱位置刚好在茶水间旁，店员出入频繁，比较窄！菜式唔只客家，仲有好多港式菜！套餐都唔少！晚饭优惠自选套餐（$398）小食两款（6选2）鸡丝粉皮：麻酱好多，粉皮弹牙，加啲鸡丝同爽脆青瓜！好味！陈醋云耳：云耳爽口弹牙，但陈醋唔够浓，又腌得唔够耐，入唔到云耳入面！一般！客家原盅炖汤：冬瓜鸡脚白菜汤：南瓜盅好睇唔好用，唔易𢳂汤！材料好多！质满晒个盅！汤好清甜唔味精！好味！脆皮烧鹅（例牌）皮仲微脆，肉质唔实！点酸梅酱好味！自选小菜3款：烧腩仔：皮好脆，肉质juicy, 肥瘦相间！好味！榄角四肉末季豆：榄角味唔重，四季豆炒过火，淋晒，无乜咬口！一般辽步猪寸骨：一枝骨连肉，卖相唔错！可以直接攞起食，外脆内软，酱汁甜甜地！加上香料腌料入味！好食！甜品：竟然系百福豆腐花，小盒装！感觉好悭水悭力！不过味道系唔错嘅！另外加了：瑶柱蛋白炒饭：材料多，瑶柱丝都好重手，蛋白大块！饭粒粒粒分明！好味！店员好爽，因为座位在茶水间对出，个个店员都要经过，所以好易揾人帮手！帮手影相都好乐意！食物几好，服务唔错！个个都好满意！