影片
更多
2021-06-28
497 浏览
呢日妈咪生日，梗系全家总动员去家庭餐厅outback食啦。我哋有汇丰信用卡可以用优惠价叫唔同嘅套餐。咁今次就叫左个二人份嘅美国顶级海陆套餐，有两个餐汤、黑糖面包、公司沙律、一份烧美国顶级纽约牛扒拼加拿大龙虾尾同埋一个带子烟肉白汁𢙓饭。用卡可以足足平左200几蚊，所以有汇丰卡嘅人记得一定要嗌套餐，银联都可以用架！我哋另外再叫多左份炸洋葱、烤猪肋骨同鸡肉拼烧虾宽面。系咪就咁睇都觉得好丰富呢？最尾我哋真系饱到想呕咁滞。不得不提，佢呢度有个不明文嘅规定，就系黑糖面包可以免费追加。我自己就唔中意食包嘅，但呢度令我追加嘅原因并唔系佢个包，而系佢个牛油。佢个牛油好香好滑，搽落个包会索喺个包入面，到咬个下再爆出黎，连埋个少少嘅黑糖味，真系好好食。佢个炸洋葱唔系炸洋葱圈，而系成个洋葱切好摆落去炸。出到黎好似开花咁样，仲大过我个头，整得好靓。佢表层好脆，内层嘅洋葱又保持到湿润嘅口感同佢本身个种清甜，可以捉住外层嘅油腻，不过食哂成个都会好饱。对比起佢嘅意粉，我比较中意佢个𢙓饭。因为佢个意粉唔够挂汁，调味都差啲，感觉同食杰身嘅白灼意粉冇咩分别。仲要鸡肉用到鸡胸，鞋飒飒嘅口感唔啱我。反而带子𢙓饭个汁就渗透到入去
不得不提，佢呢度有个不明文嘅规定，就系黑糖面包可以免费追加。我自己就唔中意食包嘅，但呢度令我追加嘅原因并唔系佢个包，而系佢个牛油。佢个牛油好香好滑，搽落个包会索喺个包入面，到咬个下再爆出黎，连埋个少少嘅黑糖味，真系好好食。
佢个炸洋葱唔系炸洋葱圈，而系成个洋葱切好摆落去炸。出到黎好似开花咁样，仲大过我个头，整得好靓。佢表层好脆，内层嘅洋葱又保持到湿润嘅口感同佢本身个种清甜，可以捉住外层嘅油腻，不过食哂成个都会好饱。
特制洋葱花球
$86
29 浏览
0 赞好
0 留言
对比起佢嘅意粉，我比较中意佢个𢙓饭。因为佢个意粉唔够挂汁，调味都差啲，感觉同食杰身嘅白灼意粉冇咩分别。仲要鸡肉用到鸡胸，鞋飒飒嘅口感唔啱我。反而带子𢙓饭个汁就渗透到入去每一粒饭，令到成个饭好creamy，带子烧完都好鲜嫩。
鸡肉拼烧虾宽面
$118
46 浏览
0 赞好
0 留言
带子烟肉白汁𢙓饭
31 浏览
0 赞好
0 留言
佢个烤猪肋骨嘅肉都系偏柴，啲肉都几易起出黎嘅，但就碎碎地一丝丝咁，冇话可以大大片肉咁食。而且佢每一条都骨大肉少，冇咩好食，食落有啲似叉烧嘅感觉。
烧肉酱味猪肋骨
$128
37 浏览
0 赞好
0 留言
果然黎outback都系食牛肉最好，佢个牛排肉汁丰富，好大阵牛味，仲要易切易咬，食完都唔会sip牙缝。仲有一条龙虾尾一齐上，感觉即刻升级左。龙虾肉好弹牙，应该系急冻嘅，但又唔会系梅哂口感。
烧美国顶级纽约牛扒拼加拿大龙虾尾
36 浏览
0 赞好
0 留言
公司沙律及餐汤
35 浏览
0 赞好
0 留言
张贴
