名人私房菜 (已搬遷) 新店位置

好少接触私房菜，今次朋友book咗呢一间，话好多人都介绍。上到去有啲似住家嘅形式feel，分别有三间房同埋厅，每一台都有独立嘅空间。事前餐厅已经同朋友安排好菜式同价钱，所以上到黎等食就可以。好似屋企食饭咁，每人都有一碗大白菜猪肺萝卜汤，一饮落去就知老火汤，火候十足，味道清甜。前菜系凉拌手撕鸡用上芒果、鸡肉、粉皮、青瓜配埋酱料捞起，感觉清新。粉皮爽韧，好开胃！啱哂夏天食！荷叶鲜虾蒸饭蒜香满泻，虾嘅数量好多，布满饭面，令每粒饭都吸收左鲜虾嘅鲜味。鲍汁花胶扣鹅掌花胶同花菇都好厚肉，胶质重，索左鲍汁嘅鲜味，生菜亦新鲜，但小妹唔食鹅掌。炸蟹钳炸蟹钳拳头咁大，炸得金黄，外脆肉软，但略嫌蟹肉唔够。虾干肉碎炒通菜虾干味道咸香，通菜新鲜爽脆，送饭一流！金银蒜粉丝蒸扇贝扇贝圆大厚肉，好鲜味，豉油味偏甜，捞埋啲粉丝蒜蓉，加上吸收左扇贝嘅鲜味，好好食。甜品系芒果布甸鲤鱼外型生猛，滑滑嘅布甸唔太甜，中间有少少芒果肉，令餐饭画上圆满嘅句号。