影片
更多
2016-12-12
401 浏览
家姐番教会经朋友介绍得知有呢间私房菜，于是我就上openrice 睇下，见到装潢好特别，好有家既感觉，就book左枱一家人去试下。距离地铁站大概行四分钟左右，去到门口已经见到绿油油既墙身上有「DREAMIX厨」，需要按门铃等待开门，私隐度极高！入到去我对眼不停周围望，因为里面既所以摆设都有好心思，墙上挂满唔同既装饰，仲有一个开放式既厨房，简直好似番左屋企咁。就连餐具都特别可爱，而且负责人话一晚只会做四枱客，为左尽力做好食物既质素。坐底左之后就拎左一壶菊花茶俾我地，等我地可以等上菜既同时叹啖茶，个人黎讲比较中意饮菊花茶，而佢地既菊花茶真系比我系其他地方饮既好饮好多，因为菊花茶嘅味道好香好清甜，唔会冲到淡晒。第一道菜系冰镇花胶，花胶面放上黑松露再拌底层既青瓜一齐食，清甜爽口得黎仲有黑松露既香味，中意食辣既推荐佢地自家制既辣油，够辣又够香！第二道系淮山杞子响螺鸡汤，见到盘汤料就知道落足料去煲，汤既味道好清甜，完全系家的味道～而且份量多，六个人饮完再添完都仲有！第三道系Dreamix双喜，双喜系指炸蚝同炸蟹砖。炸蚝既外层非常松脆咸香，咬落去里面嘅汁泌出黎，鲜味十足，完全唔会干争争。而炸蟹砖就系
距离地铁站大概行四分钟左右，去到门口已经见到绿油油既墙身上有「DREAMIX厨」，需要按门铃等待开门，私隐度极高！
入到去我对眼不停周围望，因为里面既所以摆设都有好心思，墙上挂满唔同既装饰，仲有一个开放式既厨房，简直好似番左屋企咁。就连餐具都特别可爱，而且负责人话一晚只会做四枱客，为左尽力做好食物既质素。
坐底左之后就拎左一壶菊花茶俾我地，等我地可以等上菜既同时叹啖茶，个人黎讲比较中意饮菊花茶，而佢地既菊花茶真系比我系其他地方饮既好饮好多，因为菊花茶嘅味道好香好清甜，唔会冲到淡晒。
第一道菜系冰镇花胶，花胶面放上黑松露再拌底层既青瓜一齐食，清甜爽口得黎仲有黑松露既香味，中意食辣既推荐佢地自家制既辣油，够辣又够香！
第二道系淮山杞子响螺鸡汤，见到盘汤料就知道落足料去煲，汤既味道好清甜，完全系家的味道～而且份量多，六个人饮完再添完都仲有！
第三道系Dreamix双喜，双喜系指炸蚝同炸蟹砖。炸蚝既外层非常松脆咸香，咬落去里面嘅汁泌出黎，鲜味十足，完全唔会干争争。而炸蟹砖就系由蟹肉、蟹子同埋蛋混合埋一齐，咬落质感独特，味道唔会好咸，蟹味浓。
第四道系昌妈妈炆猪肉，系其中一位负责人既家常菜，仲因为要揾到靓嘅猪肉，特登系土瓜湾𠮶边买啲猪肉过嚟，猪肉肥瘦啱啱好，食落去好有质感，另外佢嘅汁非常浓郁，所以可以配馒头一齐食，我哋系咁点啲汁来食，真系好好味。
第五道系虫草花上汤浸时菜，菜心平时成日食，但系佢地既菜心非常清甜，因为佢哋嘅菜心够新鲜，另外因佢哋唔会煮得太同埋用上汤一齐去煮特别鲜甜。
第六道系糯米鸭，糯米鸡就食得多糯米鸭真系第一次食，一大只鸭里面填满晒虾米、糯米、栗子等等嘅材料，热辣辣！鸭肉好淋，糯米索晒其他材料既香味，而且口感软熟。
第七道系百花蜜脆鳝，巧妙运用百花蜜去烹调，再将鳝炸至金黄色，香甜得黎又脆，而且鳝既肉质好爽。
第八道系叶婆婆冬瓜，系其中一位负责人细个果阵婆婆做过既，冬瓜味道非常鲜甜，因为佢地将虾米整成碎，放系冬瓜上面，再将金华火腿放系冬瓜中间，提升到成个味道！
食完负责人邀请我地影番张大合照，原来墙上挂既相系一直以来咁多位食客既留影，另外仲会送一张俾我地留念，感觉好warm!!!
张贴
