山東餃子館

营业中

休息中

经过依间小店见几个姐姐有讲有笑，好有人情味咁，原来系间饺子店，入到去坐低佢哋介绍话除咗手作饺子之外担担面同埋鸡丝粉皮都做得好好食，见肚饿就点晒啦姐姐好贴心问我担担面要唔要辣，依排喉咙唔舒服都系走辣好，上到嚟见到佢个担担面好得意比较浅色嘅，里面有好多酸菜，有啲肉粒芝麻酱味道都唔错，因为加咗酸菜所以成个担担面系酸酸地咁嘅，又几好食鸡丝粉皮虽然系小食，但系估唔到佢系大大碟咁样呈现出嚟一，麻酱鸡丝加上青瓜丝同埋清凉嘅粉皮非常之适合夏天食今次点左羊肉饺子，因为我自己本身好钟意食羊肉呢个饺子真系有好香嘅羊肉味仲要好多汁另外再点左个比较特别嘅双并：番薯叶肉饺，同埋马蹄菜肉饺，番薯叶比想像中爽口，马蹄菜肉加添左香甜，两款都好好食。