新蒸武門 (已結業)

入到去已经见到set好晒茶嘅料， 里面都系一啲对身体有益嘅干货， 感觉呢度系行健康路线，精明之选！同班朋友嚟食，个个都系无饭主妇， 但又唔想食啲味精肥腻嘢！ 呢度的确系啱晒！我哋叫咗个四人餐里面嘅𩠌菜都系大路item，啱哂一般人口味！ 家常菜做得好的确唔容易！净系睇个炖汤咁足料，啲料亦系靓嘅，就觉得佢系用心做！冰镇鲍鱼嘅肉质系脆口嘅效果 ，好特别，亦都喺夏天令到人开胃！腐皮卷煎到啱啱好，唔会过火 里面嘅馅料亦都好足，点埋醋食一流！咕噜肉份量好大，味道甜甜酸酸咁，呢个配搭，真系最合适！ 虽然佢先油炸过再上汁， 但系一啲都唔油腻，非常清爽！炸墨鱼条、春卷配泰式酱，卷物有唔同嘅口感，虽然都系油炸出嚟，但一个网面， 另一个系腐皮面， 两个食法都唔同 ，绝对唔会闷！呢个菜份量好大， 芡汁唔会过浓，味道啱啱好！最值得介绍嘅就系呢个蒜蓉粉丝蒸扇贝，里面嘅调味唔会覆盖住海鲜嘅鲜味，海鲜亦都唔会煮个头！刚刚好熟！❤️笼仔蒸龙趸腩里面都系一啲多肉嘅位， 啖啖肉又够新鲜，超级好食！呢个炒饭真系够晒邪恶，系用咸蛋黄炒出嚟！仲要配埋大大只嘅虾， 非常惹味， 用呢个𩠌作为一个完美的句号。所有嘢都唔觉有落味精 ，而咕