鼎爺私房菜 (已結業)

新年就快到啦！今年，我订左鼎爷私房菜全新推出嘅贺年糕 - 家乡萝卜糕同埋班香椰汁年糕，食材选料上乘古法秘方制作。家乡萝卜糕整个萝卜糕超级足料有腊肠、膶肠、腊肉、虾米，腊味甘香而不腻，仲有一梳一梳清甜又多汁嘅萝卜丝系入面，咬入口每一啖都层次丰富，口感不粉糊或松散，完全真材实料！切成厚身一条条去煎至金黄色，好似金砖咁新年寓意财源滚滚💰班香椰汁年糕新年贺年糕入面我最钟意就系食年糕！加入左班兰叶嘅年糕呈天然绿色，班兰叶与椰汁味道相夹，入口先有班兰叶嘅香气再尝到椰汁嘅香甜🤤 糯米粉同澄粉嘅比例做到恰到好处，令到年糕质地软糯而不粘牙，砂糖分量亦刚刚好唔会甜腻！