家香 (已結業)

有咩惨过放假都要晨咁早碌返公司附近，仲要无了期咁等待 直到任务完成，悲愤既心情促使我要食个CHILL BRUNCH去安抚下心灵。之前同朋友食过一次LUNCH SET觉得几健康味道唔错。原来星期六日同晚黑食既系FUSION菜，好多都想试，但我得一个胃。所以叫左两款觉得比较特别既。梅菜肉饼流心蛋上台一刻心情大悦，有摆盘真开心～梅菜猪肉包裹糖心蛋再上炸浆炸脆，流心蛋口感细软，外层炸得够香脆，但略嫌味道比较淡。东坡牛肋骨摆盘一样系好精致。牛助骨入味又好腍，唔驶刀都可以轻易切开。调味都系偏淡少少，亦因此冇盖过牛味，整体满意。