影片
更多
2011-07-13
52 浏览
純粹個人偏見,一向對以大碟頭見稱的美式食品,興趣有限.小妹雖然為食,但卻稱不上大食,因此大件夾抵食,諸如BUFFET等等,在我心目中的VALUE都相當低的.人愈來愈大,QUOTA原來原少,吃得多根本消化不掉,何不把胃納留下精而味美的食物?由於對美式食物的"偏見",這家LAWRY'S開業這麼久,當大家已爭相吃緊GRAND HYATT STEAKHOUSE,本公關才第一次拜訪,確是有失遠迎,失敬失敬!環境十分幽雅,舒服!點了一個CITIBANK的套餐,另外再加了一個二人套餐,因為貪其送餐酒一枝(好抵喎!)餐酒或指定特飲 (每位一杯)鮮大蝦咯嗲 (3隻) (或) 法式焗釀蟹蓋冰旋翡翠沙律特級燒牛肉 － 加州薄切,香滑薯蓉,英式烘薄酥餅 (或) 燒法國春雞暖朱古力蛋糕咖啡或茶優惠價: HK$498 (每位用)飽飽都幾鬆軟,唔錯.當我地頭痕咁唔知叫咩酒之際,店員就主動介紹了MERLOT,是自家品牌,很容易入喉,即開即飲,果味重,餐酒來說,算很不錯!朋友仔有左BABY,當然唔可以飲太多酒,叫了杯老人痴呆特飲.叫咁既名,係因為我完全唔記得左咩名,只係記得好好味,同多得個侍應親切推介,我還專登多謝她呢
小妹雖然為食,但卻稱不上大食,因此大件夾抵食,諸如BUFFET等等,在我心目中的VALUE都相當低的.
人愈來愈大,QUOTA原來原少,吃得多根本消化不掉,何不把胃納留下精而味美的食物?
由於對美式食物的"偏見",這家LAWRY'S開業這麼久,當大家已爭相吃緊GRAND HYATT STEAKHOUSE,本公關才第一次拜訪,確是有失遠迎,失敬失敬!
環境十分幽雅,舒服!
點了一個CITIBANK的套餐,另外再加了一個二人套餐,因為貪其送餐酒一枝(好抵喎!)
餐酒或指定特飲 (每位一杯)
鮮大蝦咯嗲 (3隻) (或) 法式焗釀蟹蓋
冰旋翡翠沙律
特級燒牛肉 － 加州薄切,香滑薯蓉,英式烘薄酥餅 (或) 燒法國春雞
暖朱古力蛋糕
咖啡或茶
優惠價: HK$498 (每位用)
飽飽都幾鬆軟,唔錯.
當我地頭痕咁唔知叫咩酒之際,店員就主動介紹了MERLOT,是自家品牌,很容易入喉,即開即飲,果味重,餐酒來說,算很不錯!
朋友仔有左BABY,當然唔可以飲太多酒,叫了杯老人痴呆特飲.
叫咁既名,係因為我完全唔記得左咩名,只係記得好好味,同多得個侍應親切推介,我還專登多謝她呢!其實這裏的服務真的很好,外藉人士笑容可掬,最重要是每次在我選擇恐懼症發作之時給予援手,而且意見忠誠可靠.
我最憎D侍應,每次你猶疑不決,關鍵時間問他意見時,他總是愛理不理地擺出咸魚青菜,各有所愛的借口,DISLIKE!
呢個就係我地的侍應小姐!雖然她那套COSPLAY制服浮誇得讓我覺得自己好像玩緊主僕角式扮演GAME咁,但係她親切的服務態度,我敢說肯定比CATHAY的BUSINESS CLASS好好多!
她現在就為我們準備第一道菜,也是餐廳的SIGNATURE DISH-冰旋翡翠沙律.叫冰旋是因為它盤下有冰,用不锈鋼盤盛著沙律菜,然後侍應姐姐用玩爆旋陀螺的速度快速地轉盤,將沙律的温度降低,再用拉茶的手勢,將沙律汁倒入盤中,再奉以冰過的刀叉.
看到朋友仔或者會覺得,攪到咁大龍鳳,有須要嗎?
自己就覺得,又不用我去做,也沒有打攪到我,既然人家一番心意,何不欣然接受?咪SIT BACK AND ENJOY THE SHOW囉!
最重要是沙律菜十分新鮮爽脆,水煮蛋跟玉米, 配著菜一起吃令整個沙拉口感更加豐富;
沙拉醬汁有點像千島醬, 酸酸而帶辣,很特別醒胃.
南瓜湯南瓜不夠香,但友人點的磨菇湯更加吸引,還真的有好多菇菇在飄浮!菇味香濃,引死隔離.fresh crabmeat au gratin
這個焗蟹蓋, 蟹肉都把蟹蓋塞到滿滿, 有很多蟹肉,絕對吃到蟹肉的鮮甜,還有洋葱和芝士,焗得少少微焦,超好味!
法國春雞-少不免有雞的死穴-有點嚡下邊呢個係咩呢?就係叫老人痴呆SEA BRASS煎帶子.
何解?同大家玩下PHOTOHUNT!大家細心D睇下,下邊呢碟野,有咩?
著蓉,帶子,青黃椒,菇,同醬汁...
咁咁咁咁咁咁,
WHERE IS MY SEA BRASS??????
最慘我地兩PAIR人仲懵懵下,分食左帶子之後,食左兩啖,終於有人忍唔住開口問,
"你地有無人見過SEA BRASS?"
答案係:"無"!!!!
問侍應:may i know what is this dish is?(一心以為來錯了)
侍應話:SEA BRASS!(好堅定咁話)
我地話:but we dont see any
侍應話:WHAT?
我地答:YES.
嚇到個侍應突然轉用中文(原來危急關頭,佢係識中文架!)
"魚喎!"侍應錯愕地答.(我想佢怕我地唔知咩叫SEA BRASS)
"真係無噃"
"下???OKOK,LET ME CHECK!"
當我地夢想緊佢可能會比個兩舊帶子比我地時.誰不知.
大廚竟然只是原封不動地把SEA BRASS放回去!
所以話,一個無SEA BRASS的SEA BRASS,仲唔係叫老人痴呆SEA BRASS煎帶子????
SEA BRASS都頗滑,但魚味不算很濃,可能曾經吃過野生SEA BRASS,總是有少少比較..
至於帶子十分鮮甜,煎得火喉十分好,不錯.
接著就是阻住最想吃的-加州薄切!
由呢間不锈鋼車車切出黎,好科幻,好TRANSFORMER呀!
其實呢個所謂"薄切"一點都不薄.好JUICY,加了少許英式的Yorkshire Pudding,濃濃的蛋香,索尽所有肉汁,好好味呀.
雖然是點了3個人的份量,但4個人絕對夠飽,確是顯示了美國人"大"的氣度.
兩個甜品,WARM CHOC CAKE,MANGO MOUSSE CAKE.兩個都不算太甜,配上COFFEE,為這餐飯畫上完美的句號.
整體來說,環境很好,十分安靜,我們還被安排坐在卡位,十分舒服,服務好,食物也不錯,由頭盤吃到甜品,還加上酒,才$450/位,偶一為之,絕對是人生享受好地方,如果男仔和女仔約會來到這裏,也是一個很不錯的選擇呢!张贴
