富臨酒家

营业中

休息中

去完荔枝角的GYM Room做运动，当然要补充体力食个丰富晚餐。近近地食个中式晚餐，在贸易广场有间富临，又够大可以坐得舒服D。睇下餐牌有咩食，$9.8一份「蚝皇八头鲍鱼扣金钱」我无睇错😱真系每位$9.8大大只鲍鱼仲有肉厚肥美的冬菇，加上西兰花，无理由唔叫，个蚝冲扣得只鲍鱼好淋，个汁送饭简直系一流。再叫多一味好耐无食过的「白饭鱼菜谱煎蛋」真能够令我回味妈妈饭的感觉，白饭鱼好大条，而蛋饼煎得好薄，配上菜谱真系相得益彰。朋友最爱野味的小菜，他一见到「铁板黑椒德国猪手」即刻叫了一碟，一上枱铁板非常热，一大只猪手放在中央，而个黑椒汁是另上的，当淋上黑椒汁时，香气扑鼻，酒楼提供了刀叉比你，方便切猪手，一切只猪手D肉淋到自己裂开，个猪皮好似啫喱咁淋，配上黑椒汁真的好好味。另再叫了「泰皇虾球炒通菜」呢个好香好野味，好好下饭，有大量的虾干，及鲜虾。而「大澳香虾骨」平切的猪排骨，肥瘦肉很均匀，虾酱味香浓，但又不会咸，加上炸得火喉刚刚好，唔觉唔觉食咗三四件，推介之选。极品炖靓汤「金银菜炖白肺」好大煲，又足料，有大白菜胆、菜干、鲜鸡、猪肉、猪肺、红枣，可以分到成十碗汤，足料又抵饮。 送埋生果拼盘。