茶記冰室 (已結業)

朋友介绍呢间冰室啲嘢唔错同价钱合理，所以咪同朋友黎试，通常冰室俾人个感觉会有少少污糟同怀旧，但入到去环境几干净，同埋有一幅墙贴满左一啲怀旧嘅港式冰室食物好似丝袜奶茶丶西多士呀𠮶啲， 都几特别。餐牌都冇咩特别同平时茶餐厅小菜差唔多，最特别就系冰镇咕噜肉，所以叫咗呢样𩠌嚟食，同埋自己最钟意食嘅黑椒牛柳粒，个侍应好Nice，跟住饮咗佢个例汤用料好足，同平时妈咪煲嘅汤差唔多，冇落味精，个汤好清甜，饮完唔会觉得口干，等左6-7分钟啲𩠌嚟晒，即时试咗个冰镇咕噜肉，外脆内软，外面𠮶层冷，但系一咬开，𠮶阵热气又冲番出嚟，个口感好刺激，可以试吓，同埋茶餐厅通常咕噜肉配菠萝，但系呢间冰室用提子，小蕃茄搭配，感觉好清新，呢个咕噜肉味道较甜，如果钟意食甜嘅朋友。烧薯牛粒值得一赞，牛枊粒好松软，牛唔会so ，啲黑椒汁啲汁入晒牛粒入面，咬开会有啲汁，连续食几粒都唔会觉得口干，个薯仔，同啲黑椒汁一齐炒，都冇整林个外皮，食落去外皮都好脆，成餐饭埋单都系180几蚊，两个饭丶𩠌丶嘢饮丶例汤，本来谂住同朋友去食甜品，但系估唔到两个𩠌都咁大，所以都食唔落。