影片
更多
2020-01-07
85 浏览
星期六竟然要开OT🙀，做埋啲嘢3点3收工啱啱好够钟食Tea！呢日决定去近嚟爆红(黄)嘅飨车仔面舖试下啦，因为闲日返紧工食唔到下午茶时段🙈。果然不出我所料，小店门外有条小小嘅人龙，好彩等咗10分钟到就入得。等嘅同时，睇下个餐牌同啲文宣先，成间餐厅真系填满咗各式各样嘅poster💛，环境变得好有个性同富有浓浓嘅香港情怀🇭🇰。下午茶时段点车仔面送饮品，我同同事一人点咗一碗3𩠌车仔面($38)，再加咗小食。车仔面有唔同汤底同面拣，𩠌嘅选择亦都非常多，全部𩠌划一价钱，4𩠌后每加1𩠌加$9，🌸花多眼乱呀！蕃茄浓汤菠菜面(+$2)，𩠌要咗卤水鸡中翼、墨汁墨鱼丸同麻辣鸡肾。首先抵赞嘅系汤底非常够热，食哂成碗都仲出紧烟👍，第二就系蕃茄汤🍅几好味，唔系用茄膏开的，唔酸唔甜，啱做汤底。而菠菜面就同平日食开拉面状圆身𠮶啲唔同，依到系扁扁的，望落好淋咁，但食落ok。至于啲𩠌就正正常常啦，🐔鸡翼同墨丸都各有2件，鸡肾食得出有麻辣味，个别有一两嚿咬唔开。我同事要咗咖哩汁米粉，𩠌要咗🦑咖喱鱿鱼、咖喱猪皮同卤水大肠。咖哩汁记得要捞匀，如果唔系会有啲辣，米粉几时都好食。至于啲𩠌，我只系试咗鱿鱼，味唔错，份量算多。但我同事
星期六竟然要开OT🙀，做埋啲嘢3点3收工啱啱好够钟食Tea！呢日决定去近嚟爆红(黄)嘅飨车仔面舖试下啦，因为闲日返紧工食唔到下午茶时段🙈。果然不出我所料，小店门外有条小小嘅人龙，好彩等咗10分钟到就入得。
等嘅同时，睇下个餐牌同啲文宣先，成间餐厅真系填满咗各式各样嘅poster💛，环境变得好有个性同富有浓浓嘅香港情怀🇭🇰。
下午茶时段点车仔面送饮品，我同同事一人点咗一碗3𩠌车仔面($38)，再加咗小食。车仔面有唔同汤底同面拣，𩠌嘅选择亦都非常多，全部𩠌划一价钱，4𩠌后每加1𩠌加$9，🌸花多眼乱呀！
蕃茄浓汤菠菜面(+$2)，𩠌要咗卤水鸡中翼、墨汁墨鱼丸同麻辣鸡肾。首先抵赞嘅系汤底非常够热，食哂成碗都仲出紧烟👍，第二就系蕃茄汤🍅几好味，唔系用茄膏开的，唔酸唔甜，啱做汤底。而菠菜面就同平日食开拉面状圆身𠮶啲唔同，依到系扁扁的，望落好淋咁，但食落ok。至于啲𩠌就正正常常啦，🐔鸡翼同墨丸都各有2件，鸡肾食得出有麻辣味，个别有一两嚿咬唔开。
我同事要咗咖哩汁米粉，𩠌要咗🦑咖喱鱿鱼、咖喱猪皮同卤水大肠。咖哩汁记得要捞匀，如果唔系会有啲辣，米粉几时都好食。至于啲𩠌，我只系试咗鱿鱼，味唔错，份量算多。但我同事话猪大肠同出面传统𠮶啲唔太同，而有2嚿猪皮就有少少毛㖞，不过其余都ok🙈。
虾多士
$25
4 浏览
0 赞好
0 留言
小食方面，我哋要咗🍞虾多士2件($25)，由于系即炸，所以差唔多到我哋食完先送上，时间啱啱好😊。虾多士造型吸引，四方一块多士上面放上厚厚嘅虾胶，虾胶弹牙之余，仲食得出虾肉🦐，非常高质、好食😋。如果想进一步升华，餐厅可以考虑加啲芝麻一齐煎或者俾沙律酱客人点嚟食。
炸鱼饼($38)，依个系泰式风味🇹🇭，除咗有泰式甜酸辣酱外，鱼饼本身都有啲辣味，唔错！鱼饼有6件，2个人一定够食。
饮品方面，跟餐配热饮唔使补钱，冻饮加$3。我哋分别要咗热菜蜜同冻奶茶，冻热饮都好大杯，抵饮👏。
总括嚟讲，呢间街坊车仔面店系几唔错嘅，行新派路线，汤底我会推介蕃茄汤，而虾多士亦都必点🤤。环境方面，舖面唔大，小小逼，但ok啦，又唔系fine dine，食碗面姐。店内嘅年轻职员全部都系用心经营，💛良心小店要加油啊💪。
张贴
