饗 車仔麵 (已結業)

嘩嘩嘩 好耐都冇寫食評喇 一寫梗係寫好野 黃店都可以非常親民好食架 就好似呢間’饗 - 車仔麵’咁呀 機緣巧合黎到深水埗 係正西九對面就有得醫肚價錢非常合理 兩餸麵$30 三餸麵$38 四餸麵$46 再加餸就每款$9 重點黎喇 想食少少野 唔想食麵 係可以將麵底轉菜底架 係好貼心呢 仲有多款湯底同唔少好味小食揀 下午茶時段1500-1800跟餐嗌野飲仲有得再平添呀今次嗌咗四餸麵餐$46 (車仔麵湯 醉饗蛋 柱侯牛腩 冬菇 陳皮魚蛋 米粉) 加咗碟蠔油生菜$10朋友就嗌咗三餸麵餐$38 (腩汁 大腸 墨魚腐皮卷 蘿蔔 河粉) 加下午茶凍飲$3醉饗蛋 係醉雞汁流心蛋 好味冬菇 係蠔油冬菇 都好味柱侯牛腩 都很不錯 佢令到個湯底多咗份八角味陳皮魚蛋 就係陳皮魚蛋 就係你熟悉既味湯底方面 車仔麵湯好食過腩汁 因為比較香濃 而且冇咁油朋友既餸 大腸係好出色既 而墨魚腐皮卷口感硬味道一般 蘿蔔走清甜路線最後想話店舖裝修有用心 食都食得開心

出到深水埗都已經去到食下午茶時間聽聞過呢間車仔麵都好出名特別係個醉酒溏心蛋所以決定一試其實我同朋友都係叫三餸麵然後加6隻雞翼個阿姐入機個陣突然話「無蛋呀」就丟番呢張單比我無蛋其實就唔係大問題最多只係失望者但既然無蛋你仲同我入機比呢張單我咁你即係想我地點？我地捉住佢問先收番張單比番張表我地畫過最後決定都係食兩餸算但竟然發現雞翼漏單😰當時鋪頭人並唔多但明顯個哥哥番左黎鋪頭之後門面就服務變得正常好啦講番食物啦因為我撈左d汁+check有無落錯所以影既時候個樣變成咁上菜既時候個外觀係ok既我呢個係經典車仔麵湯，相對朋友叫既腩汁呢個湯就濃好多份量以呢個價錢黎講算叫不過不失醉雞翼都幾好食值得一試你問我會唔會比多次機會我會既因為我仲未食到隻蛋但希望下次服務有d改善

車仔麵選擇從來都唔少👍🏻但係呢間小店感覺好用心💕餸菜比起一般貨色有亮點✨⭐️五餸一麵餐 🍜好貪心咁叫左五個餸😋食完好飽 經典車仔麵湯底🥣唔會好鹹 比起腩汁有種清甜既感覺😚 最有驚喜係醉饗蛋🥚 酒味唔會太濃 但係半流心好邪惡😈 豬手有滿滿既骨膠原 🍖食落唔會肥膩 都好入味❤️ 反而柱候牛腩略嫌韌左D😅 咖哩魚蛋 可能唔係主打 味道都似係急凍貨👎🏻 冬菇同樣太細粒 🍄無乜驚喜⭐️ 熱檸茶 🍋簡單既一杯熱檸茶 都好香濃茶味🍵 檸檬無澀味 非常不錯整體食完覺得味道幾清 無其他車仔麵既通病 🥴就係太多味精😐 感覺到佢既用心 💖

成日都被轉角位呢個唔識讀嘅字吸引住，食咗幾次先發現原來佢係真。黃店！真心推介佢個菠菜麵，雖然要加錢食，但係真係好好味，仲有佢個雞腎都係一流！不過食咁多次都係外賣，但餐廳設計對我來講都好吸引🤘🏻希望有機會可以試吓堂食，會唔會更加好味呢？但今次叫咗牛腩就有少少失望，因為完全得舊肥膏，一啲都唔似舊牛腩，同埋今次嘅餸嘅份量比之前少咗大概一半，不過味道方面都不過不失。總括來講，個人推介波菜麵，湯底一定要秘製辣汁先至好味😋

This is the first time I tried this cart noodles shop. I walked from Shek Kip Mei Station Exit A, using GPS and spent 17 minutes. I am happy I walked over 10000 steps today 🚶‍♂️ the taste of noodles is very traditional , a bit saltyThe homemade herbal tea is tasty The picture on the wall is colorful there are many choices of food I found the food is yummy and full of the memories of ..... old days and taste

今次黎到深水埗想食車仔麵，揀左呢間良心小店👍🏼·三餸一麵都只係$38，d餸既分量正常，唔會因為價錢而少左餸最開心佢可以揀菜底，可以扮下健康😂😂而且夜晚唔想食太飽揀菜真係一流👍🏼👍🏼另外蕃茄湯底竟然都唔使加錢，正呀，有好多湯底可以揀，梗有一款岩你行到熱辣辣，中番杯冰奶茶飲😋😋唔知有無人同我一樣食車仔麵都會揀豬大腸呢☺️☺️肥仔野食我最岩😍食到好味既野最開心☺️職員都好有禮貌又好好人👍🏼

車仔麵一直都好中意食，又好味又平又地道☺️出開深水埗就搵下有咩黃店，就睇中咗呢間車仔麵😬~🍁 三餸一麵餐 ($38)麵底揀咗波菜麵(+$2)，清湯底加秘制辣汁，餸就揀咗柱侯牛腩、醉饗蛋同墨汁墨魚丸🙆🏻‍♀️第一次食波菜麵，感覺都幾清新同健康😂清湯底標榜由豬骨及鮮蔬熬制，無味精，秘制辣汁要咗小辣，原來都已經幾辣，不過辣過癮😂牛腩份量好多，食極都仲有咁，肉質淋身唔會韌😁醉饗蛋即係流心蛋，但就唔係好食到酒味，可能浸得耐比湯底嘅辣味搶咗focus🙈，而墨汁墨魚丸就好爽口好彈牙😋呢間同文記車仔麵都好值得無限翻啅🤩

今次來到深水埗搵食 去試一間車仔麵小店😋 鋪頭環境比較細 lunch hour去多人要排隊等下 下午茶時段會平啲而且少啲人呀😬~~🍜四餸一麵 $48呢間麵底都幾多選擇我就揀咗特別啲嘅菠菜麵🥬(+$2) 幼身有咬口 食落唔會一pat野口咁👍🏻餸就叫左幾款佢哋自家製嘅 有南乳豬手 五香牛腩醉蛋 份量都幾多 每款至少三件🍗豬手炆得好冧好入味 一夾就離哂骨🤪🥩牛腩偏硬身 有少少鞋 但味道幾香🥚醉蛋好高質 非常流心 酒味好濃郁🤤另外仲有蘿蔔 清甜冇渣湯底都好多選擇 試左蕃茄湯 茄味濃 食到啲蕃茄肉😋 再加左個秘製辣醬 好惹味😝~~總結1）有特色嘅車仔麵 值得一試~~評分📈味道 7.5/10環境 6.5/10性價比 8/10—Rating 📈Taste 7.5/10Environment 6.5/10Worthiness 8/10

計劃買電視機， sales話我知邊處買掛牆架最抵，所以今晚來了鴨療街購買，順便在附件找間經濟圈食店，支持一下。這店在基隆街，從鴨療街往南昌方向行落。麵店提供2餸麵，3餸麵，4餸麵餐，重可以優惠價追加飲品。肚仔餓，食返碗4餸撈麵先，揀咗 【豬軟骨，豆卜，咖哩魷魚，陳皮魚蛋，幼麵，秘製醬汁2隻椒辣度】豬軟骨有點酒香味，！不單軟骨腍，連骨頭都軟晒，食埋；陳皮魚蛋好有懷舊feel，比現時流行的魚蛋更有咬口，微微陳皮的香蓋去所有魚腥味，又有魚肉味，真係唔錯；咖哩魷魚掛到咖哩香；豆卜剪開，吸收晒D辣汁道，易吃又好食。原來車仔撈麵都幾好食，辣汁沒有被湯稀釋，辣得黎惹味，麵底又灼到煙韌度適中，下次再黎，都要再點撈麵。大人就點咗佢至愛~油麵，配了【牛筋，枝竹，腩肉，牛腩，也是秘製辣汁2隻椒辣】牛筋煙韌入味，牛腩腍中有饞勁，雖帶有少少肥，這才不會韌；“腩肉”原來等同是小吃中的蒜泥“白肉”，混湯的辣汁食也不錯。【蒜泥白肉】腩肉，多瘦小肥，辣度啱晒現在天氣悶熱無胃口時食；蒜泥夠多夠香，唔會過鹹，一啖一件，好味。【南乳豬手】頗大碟，豬皮爽腍煙韌有膠質，挺入味，$32碟，抵吃！今晚的可樂不夠凍，下次會點支勁凍的！

今天晚上跟朋友在她公司附近吃飯，她表示這間車仔麵不論lunch時段或者晚餐時段都是人龍店，所以要帶我黎食下!車仔麵店就在西九龍中心對面，在轉角的位置。餐廳座位不算很多，當天來到剛剛好還有座位，遲多一步都要等位呢!麵店牆上畫了車仔檔的壁畫，幾特別!餐牌上都有多款餸菜可以選擇。豬紅韮菜餃蘿蔔菠菜麵，菠菜麵軟硬度剛剛好，像粗麵的粗幼度，豬紅夠入味，蘿蔔炆得好冧又入味，而韮菜餃餡料幾多，韮菜味濃郁。湯底揀選了腩汁，湯底帶有牛腩味，幾清甜。南乳豬手大腸豬皮生菜底，豬手炆得好冧好入味，而且好大舊，好有骨膠原感，大腸不會有臭味，豬皮咖哩味濃郁，沙爹湯底味道香濃，令生菜味道惹味，能夠有菜底選擇岩哂一眾女生!醉雞翼，花雕味不算好濃，雞翼幾大隻而且多肉。凍檸茶，檸檬茶茶底夠澀，好有茶餐廳感，不會太甜。餐廳食物味道不錯，而且都幾足料，唔怪得是人龍店啦!

是日中午去左深水埗基隆街嘅呢間「饗車仔麵」食午餐。小店面積不大，但卻有家的感覺～車仔麵餸菜選擇頗多，滋味小食也有多款，四餸一麵餐都係$46咋車仔麵湯底由豬骨及鮮蔬熬製而成，絕無添加味精，保證健康蒜香雞翼生炸雞翼炸熟後撒上炸蒜粒，更加香口！同時亦保留左雞翼原有嘅肉汁，好鮮嫩，色香味俱全啊牛筋、枝竹、韭菜豬肉餃、鮮蝦腐皮卷湯米粉揀左秘製辣汁，設有多種辣度，香辣惹味，同米粉好夾！韭菜豬肉餃散發着陣陣韭菜及肉香，皮薄餡靚，好味道！枝竹吸收左湯汁嘅味道，味道更昇華～牛筋好有彈性，骨膠原感覺豐富，女士們首選柱候牛腩、蘿蔔、豬紅、冬菇湯幼麵牛腩肥瘦適中，肉質香軟腍滑，牛味香濃突出！豬紅鮮甜唔腥！冬菇好入味又juicy～蘿蔔就夠晒清甜凍檸茶天時暑熱，飲返杯冰凍檸檬茶解渴就最好不過，酸甜去膩

濃郁家常麵食扭轉咗車仔麵的說法以港味十足任你發板由你話事，既八搭配料及八款麵底所供選料多籮籮，親民既價格兼八變包你有所驚喜，而且形象新派款式易入口/香料不重相比傳統車仔麵迎合大眾需求尤其係愛辣及不吃辣的人士口味點選濃香腩汁配上咖喱汁最為惹味，淋上熱騰騰秘製滷汁帶點微微甜般滋味，軟腍豐盛豬紅/牛筋/紅腸/咖喱魷魚/冬茹等材料....浸透在掛湯及辣味之中夠晒邪惡，咬落唔韌麻辣爽脆兼香口，簡單的一碗車仔麵唔同既餸款增添無限新鮮感，進餐也唔怕會被生厭

店鋪名：饗地址：深水埗基隆街385號地方好容易搵 係西九龍中心嘅行人天橋落黎之後轉右就係㗎啦食得多任你點車仔麵 今日就黎試下呢一家 門口已經張貼許多文宣 舖頭入面都係 好清楚表明左立場 啲文宣都好靚好高質 環境企理 📍車仔麵：今日嗌嘅係三餸一湯 招牌醉響蛋➕日式豬軟骨加通菜 面就揀左河粉 湯底揀左腩汁 醉響蛋已經淹漬到流心蛋黃一啲都唔腥 陣味唔膩食落好清爽 而且豬軟骨唔會淋到一夾就散 軟得黎都有咬口 通菜同河粉都不過不失 值得一提嘅係腩汁湯底唔算得上係膩 都幾好飲📍日式煎餃子：呢個小食上菜速度都快 金黃色睇落好有食物 可以蘸醋黎中和下油膩嘅感覺 咬落去啲外皮好脆 啲肉都好有彈性 好好食 下次都會再嗌

良心抵食服務佳的香港本土車仔麵店～～～端午晚餐 我和大舊決定撐撐香港本土小店 在朋友的推薦下 我們來到這間在深水埗無人不識的黃店車仔麵 墻上盡是良心poster 店員很有禮貌 未食已經令人感受到店鋪的溫馨感😊～～～打開餐牌 最平的麵食是兩餸一麵餐 只係$30 港島人表示很羨慕 又有良心又價錢便宜的店 實在是不多見既然專成來一趟 我們就決定吃多點 反正四餸都只係$46 $50蚊仲有找 那我們便直接吃四餸吧 另外搭多兩杯飲品 同兩個小食（南乳豬手同蒜泥白肉）來個豐富的端午晚餐🥰～～～他們有七款湯底 分別係 經典車仔麵湯 蕃茄濃湯 麻辣湯 沙嗲湯 咖喱汁 腩汁同清湯 我們最愛就是濃郁的番茄濃湯 吃著很健康 和他們的波菜麵特別合拍😄～～～車仔餸方面推介大家試試滷水大腸 豬紅 墨魚腐皮卷和麻辣雞腎 大腸入味又夠濃郁 豬紅好滑 墨魚腐皮卷好彈牙 雞腎雖然唔係好辣 但係切得夠薄身 容易食又爽口😛～～～小食方面 南乳豬手炆得超級林腍 輕輕一咬成個骨就跌出嚟 好正 蒜泥白肉上面的麻辣蒜蓉汁亦很惹味 食完之後令我有興趣下次再試試他們的麻辣湯底～～～推薦度：🔥🔥🔥🔥🔥🔥🔥🔥饗 車仔麵 (深水埗)深水埗基隆街

車仔麵係香港地見唔少，但出曬名既車仔麵，你又有冇見過？最近深水埗就有一間，排長龍都有人黎食呀！首先佢係一間黃店，黃店多人食？其實唔一定嫁！黃店只係吸引左唔小客人黎試，但都要做得好食先會留得住客人個心～今日我都黎左呢間，食佢呢Ｄ特色車仔麵！－蒜蓉雞翼６隻－呢間既蒜蓉雞翼係炸既，外脆內軟，肉質鮮嫩，咬落會流汁，在加外面炸過既蒜粒，非常夾！－蒜泥白肉－呢個蒜泥白肉通常都係譚仔食，外面都有試過，但全部都係薄薄既豬肉，呢間就比較特別，佢係用厚厚既肥豬肉，所以令到個口感非常爽口彈牙～－牛筋，鮮蝦腐皮卷，墨汁墨魚丸，柱侯牛腩，米粉，牛腩湯－其實佢Ｄ款式都真係幾多，麵都有１０款選擇，真係諗死人，今次朋友就叫左呢Ｄ，牛筋同牛腩都醃得岩岩好，又夠淋，好好味！鮮蝦腐皮卷就唔洗多講，蝦味濃，彈牙。米粉份量好多，男人都夠曬飽！－豬紅，醉饗蛋，鮮蝦腐皮卷，蘿蔔，米粉，蕃茄湯－米粉夠健康，鮮蝦腐皮卷真係好好味，所以同朋友都有叫呢個，豬紅非常入味，小小小小辣，所以唔食辣既人都頂得順，蘿蔔夠淋，好清甜，多水！醉饗蛋就唔洗講，名都係同舖一樣，証明係鎮店之寶！糖心蛋，蛋汁慢慢流出黎，但又唔會太濃醃味，好正，必食之選！！