富泰家 (已結業)

大雨天，原来想食既餐厅又要排队，所以机缘巧合黎左呢间。有听过话呢到既捞面好好食。黎到见到，d捞面份量真系非常之多，我估计应该有2饼面。第一碟叫既系牛柳粒、司华力肠。捞面原本嘅辣到已经订咗，有少少辣辣地好惹味，好开胃。牛柳粒系超级无敌多，然后唔会硬，炒得好好食，反而我觉得司华力肠得半条，仲要再剪开一半，好似少咗啲。不过，总体来讲都几好食。第二碟系猪颈肉同埋鸡扒。鸡扒同平时茶餐厅食到𠮶啲一样，猪颈肉有另外嘅秘制汁，几好食。反而小食，酿饺子鸡翼，麻麻哋，感觉好似喺出面唔知边度食过嘅批发，入面嘅饺子香料味太重，令到我哋完全食唔到鸡嘅味道，不推荐。总括而言，黎呢度食捞面就啱啦！