影片
更多
2014-09-08
1274 浏览
周围都冇位、试吓问一问、仲有位，于是数天前订下,经理李小姐十分殷勤、菜单有商有量、仲可以自来海鲜、但要着量收油料钱，合理。佢力推茶皇鸡，但老人家嫌热气、转咗豉油鸡！晚上入坐后、招呼唔错、成间餐厅九成入坐率都算热闹。头盘是烧味拼盘、冇乜特别、一般行货, 再落嚟系豉油皇香煎大虾，师父好手势,不太㶶，啱啱好，冇嘥咗啲自来海鲜、之后上个原盅炖螺头、呢𠮶真系冇得顶、足料够火喉，成家人更连渣都食埋。再来系。西兰花带子拼脆皮牛坑腩，呢味𩠌估佢唔到、牛腩外脆内软、拼埋大大粒带子、真系十分有创意、味道一流、又照镜跟住系海参、份量好足，胜在唔系好似浆糊咁、口感唔错、蒜茸蒸大元贝、因为自来、冇乜功夫可言、条老虎班同鸡就真系冇乜特别、不过不失最后惊喜、竟然系飘香荷叶饭、真系太饱了，但真系要打包，食咗两啖，不干不太湿、个人认为好味，唔可以浪费师父心机。总括而言呢餐连自来海鲜，十二位、四仟银唔驶、超值，但不可不提，呢间餐厅服务，出品真系唔错、但人手就唔够，等加热水冲茶，擧手都冇人理，仲要等、应该要改善，但员工态度就值得一赞，忙得嚟都笑脸迎人、够体贴。见佢地咁辛苦，冇投诉啦！
周围都冇位、试吓问一问、仲有位，于是数天前订下,经理李小姐十分殷勤、菜单有商有量、仲可以自来海鲜、但要着量收油料钱，合理。佢力推茶皇鸡，但老人家嫌热气、转咗豉油鸡！
晚上入坐后、招呼唔错、成间餐厅九成入坐率都算热闹。头盘是烧味拼盘、冇乜特别、一般行货,
再落嚟系豉油皇香煎大虾，师父好手势,不太㶶，啱啱好，冇嘥咗啲自来海鲜、
之后上个原盅炖螺头、呢𠮶真系冇得顶、足料够火喉，成家人更连渣都食埋。
再来系。西兰花带子拼脆皮牛坑腩，呢味𩠌估佢唔到、牛腩外脆内软、拼埋大大粒带子、真系十分有创意、味道一流、又照镜
跟住系海参、份量好足，胜在唔系好似浆糊咁、口感唔错、
蒜茸蒸大元贝、因为自来、冇乜功夫可言、条老虎班同鸡就真系冇乜特别、不过不失
最后惊喜、竟然系飘香荷叶饭、真系太饱了，但真系要打包，食咗两啖，不干不太湿、个人认为好味，唔可以浪费师父心机。
总括而言呢餐连自来海鲜，十二位、四仟银唔驶、超值，但不可不提，呢间餐厅服务，出品真系唔错、但人手就唔够，等加热水冲茶，擧手都冇人理，仲要等、应该要改善，但员工态度就值得一赞，忙得嚟都笑脸迎人、够体贴。见佢地咁辛苦，冇投诉啦！
张贴
