喜悅火鍋海鮮酒家 (已結業)

阿嫲钟意食蛇宴，适奉生日，阿妈又见到有蛇宴食，当然锁定目标！ 豉油皇炒中虾 - 醒目地将中虾切开个肚，令只虾更入味。炒之前先炸只虾，令虾头特别脆，成个头食都无问题！ 炒蛇丝 - 以西芹、木茸、红萝卜丝去炒蛇丝，味道清淡，疑点系蛇丝好似普通肉丝，食唔出佢系蛇丝定系肉丝？ 炸蛇丸 - 以蛇肉混合猪肉打到起胶，落镬去炸，粒粒都差唔多有乒乓波咁大，食落弹牙！细个的表妹当佢系街边鱼旦用筷子"吉"住食，有趣！ 蛇羹 - 味道同食翅差唔多，D料落得好足，有一半人可以食两碗tim！ 羊腩煲 - 虽然羊腩大小不一，但起码唔系旧旧骨，一半真系羊腩，亦有羊膝，冬菇、马蹄、枝竹落到足，每样料都非常入味，不过无生菜灼。 鲍汁生菜 - 原来生菜以鲍汁去煮，虽然有点奇怪，但胜在鲍汁味适中，唔太浓唔太淡，可以接受！ 清蒸石班 - 唔会过火，唔会唔熟，刚刚好！ 沙姜鸡 - 唔系炸子鸡，唔系豉油鸡，系沙姜鸡，好嫩，入味，啱晒钟意食鸡嘅我！ 糯米饭 - 唔太黏口，唔太油腻，好易就分开，难得食到尾声仲可以令我继续食落去！ 干烧伊面 - 好淡，无料，最差之一！ 红豆沙 - 最差之二，好甜，又唔够热!虽然唔系特别出名的酒楼，但非