滔滔甜品

营业中

休息中

同家人晚饭后想食甜品，行去b仔途中发现左呢间糖水舖，见几多人食应该唔伏啩，就行堆去等位啦。见到店内位置都比较逼，幸好门口唔大风，所以宁愿坐出面。人多位少，都系搭枱啦，但我觉得店员比较乱，同枱客人落完单，又再问佢地要唔要落单，然后我地一直叫落单就叫我地等阵，之后就一去不返。直到同枱客人嘅食都上齐，原来要即刻俾埋钱，先再招呼我地，搞到呆坐左好耐。睇返餐牌其实算平，而且新旧款嘅中式甜品都有，选择多，系吸引嘅。我地叫左桃胶腐竹马蹄露、石磨芝麻糊同芝麻汤丸。先讲桃胶马蹄露，好足料、好清甜、份量又多，腐竹马蹄露个底煲得好靓，浓稠适中，食到马蹄嘅爽甜，又有腐竹嘅黏腻，是抵赞的！芝麻糊一上枱出晒烟，但原来系暖嘅，出烟可能只系因为果晚得6度温差太大，食落去，甚至摸落个碗都只系暖。通知店员，佢话做过另一碗俾我，等多几分钟就有，但第二碗都只系暖，我都无谓搞贡多野，照食啦。芝麻糊有石磨效果，食落有少少起沙，唔太甜，味道同质感系唔错，只系唔够热啫。另外加左一碗净汤丸（芝麻馅），呢个就够惊喜喇，馅料爆多，最正系个姜汤底，真系好浓嘅姜味，微辣带甜，呢个季节饮到呢个汤底，真系唔食汤丸都抵呀！