人和月雞煲火鍋店 (已結業)

呢间专食鸡煲放题嘅餐厅，而家推出左二人餐，价钱大概都系$500左右，而家仲有七五折，已经食得好饱好满足！鸡煲味道好浓郁，啲鸡几多，而且一啲都唔鞋，啖啖肉，好惹味！肉类可以拣两款，无论佢嘅牛定猪，都几大块几厚身，而且睇佢啲肥瘦脂肪比例，都唔错！丸类正常，响铃几好食，唔会淋晒或者唔新鲜，同埋份量都几多。油麦菜几新鲜，洗得几干净。酸菜鱼要另外嗌，但系都好值得食！入面嘅鱼好滑身，酸菜个味调得啱啱好，而且啲酸菜亦都好有咬口，净系呢个送饭都已经好好食！粉面亦都有唔同嘅选择，我哋就拣咗乌冬，两个人一定够晒饱！