所以・甜

营业中

休息中

同邻居喺附近食完煲仔饭，跟住意犹未尽就顺便食埋个甜品。呢间之前夏天都有食刨冰嘅，今日天气冻继续挑战刨冰。邻居就嗌咗个合桃糊同喳咋。胃食嘅我又偷咗邻居两个甜品各一啖，合桃糊唔太甜亦都几香。喳咋都几足料椰香味不俗，个芋头好腍好好食。跟住就到咗我个刨冰，感觉上比夏天好似细咗少少，唔知系咪因为我净系嗌咗三个配搭士多啤梨、紫薯同黑糯米。夏天就会嗌埋雪糕，不过实在太冻搞唔掂，所以最后都系冇嗌雪糕。钟意食紫薯唔太甜黑糯米又可以暖胃，个黑糖刨冰配个士多啤梨，酸酸甜甜解一解头先食煲仔饭润肠嘅罪疚感。