影片
更多
2020-06-04
2987 浏览
之前喺附近上堂嘅时候已经留意到呢间日式餐厅，因为佢起咗一个好靓嘅店名，望入去系日式居酒屋嘅格局。一睇门外嘅menu原来主打厨师发办，所以一早相约朋友等佢生日嘅时候嚟食晚饭，好彩一早预约咗，晚上七点嚟到已经满座。餐厅嘅装修有种实而不华嘅感觉，墙上面贴满咗各种日本酒嘅招纸，别有一番风味。餐厅唔算大，只有五至六枱可以坐喺吧枱，好在预约时有交带低，侍应安排我哋坐咗喺靠近门口嘅吧枱位置，可以近距离欣赏到师傅嘅手势。餐牌有两款厨师发办可以拣，分别系烁雨同焰月，我哋拣咗较为经济嘅焰月，内容望落非常丰盛。最先送上嘅系前菜——苦白菜紫薯蓉配冰菜，卖相相当精致，面头仲铺上金箔，为菜式添上一丝矜贵。紫薯蓉味道非清甜，口感软绵湿润，加上清脆嘅苦白菜，配搭令人眼前一亮。享用完非常有惊喜嘅前菜，就轮到刺身五点。打头阵嘅系间八鱼，刺身切得够薄，望落晶莹剔透，加上花瓣同葱花做点缀，非常精致。间八味道清澈，加上酸汁同青葱卷起一齐食，清新开胃。第二道系深海池鱼配山药，池鱼味道清甜，口感清爽，配搭黏腻滑顺嘅山药泥同味道咸鲜嘅三文鱼子，一拍即合。日本象拔蚌冇经过过份嘅冲洗，保留咗天然嘅海水咸鲜味，甘香馥郁，入口爽滑，沾上少量
之前喺附近上堂嘅时候已经留意到呢间日式餐厅，因为佢起咗一个好靓嘅店名，望入去系日式居酒屋嘅格局。
一睇门外嘅menu原来主打厨师发办，所以一早相约朋友等佢生日嘅时候嚟食晚饭，好彩一早预约咗，晚上七点嚟到已经满座。
餐厅嘅装修有种实而不华嘅感觉，墙上面贴满咗各种日本酒嘅招纸，别有一番风味。
餐厅唔算大，只有五至六枱可以坐喺吧枱，好在预约时有交带低，侍应安排我哋坐咗喺靠近门口嘅吧枱位置，可以近距离欣赏到师傅嘅手势。
餐牌有两款厨师发办可以拣，分别系烁雨同焰月，我哋拣咗较为经济嘅焰月，内容望落非常丰盛。
最先送上嘅系前菜——苦白菜紫薯蓉配冰菜，卖相相当精致，面头仲铺上金箔，为菜式添上一丝矜贵。
紫薯蓉味道非清甜，口感软绵湿润，加上清脆嘅苦白菜，配搭令人眼前一亮。
享用完非常有惊喜嘅前菜，就轮到刺身五点。打头阵嘅系间八鱼，刺身切得够薄，望落晶莹剔透，加上花瓣同葱花做点缀，非常精致。
间八味道清澈，加上酸汁同青葱卷起一齐食，清新开胃。
第二道系深海池鱼配山药，池鱼味道清甜，口感清爽，配搭黏腻滑顺嘅山药泥同味道咸鲜嘅三文鱼子，一拍即合。
日本象拔蚌冇经过过份嘅冲洗，保留咗天然嘅海水咸鲜味，甘香馥郁，入口爽滑，沾上少量嘅海盐令味道更突出。
金目鲷油份甘香，肉质细腻，最适合火炙，配上蛋黄酱同唐辛子丝，令口味道同口感层次更丰富。
最后一道刺身系我最期待嘅大拖罗，用紫菜加上紫苏叶包住，并加入少量岩盐同芥末减低油腻感，味道恰到好处。大拖肉质肥美，油脂丰富，入口即溶，鱼油嘅甘香充满成个口腔，令人回味！
完成五道令人满意嘅刺身，师傅为我哋呈上四款清新嘅渍物，分别系山药、牛蒡、水果蕃茄同白粟米。山药同先前嘅山药泥呈现出两个极端嘅口感，切成片状，带有少少芥末嘅味道，质感冰凉爽脆；至于牛蒡味道同口感都好似酸脆瓜一样，非常特别；水果蕃茄好有惊喜，糖度高，入口清甜爽脆；白粟米鲜甜多汁，清爽冇渣。
唔系每一间厨师发板都有铁板烧嘅环节，通常都以煮物取替，望住师傅喺面前制作铁板烧料理，观赏性亦颇高，亦系餐厅嘅其中一点加分之处。金鲷经过半煎炸，外皮酥脆到连鱼鳞都可以食用，非常香口，但鱼肉依然保持嫩滑，好有惊喜。
眼见师傅将砂糖洒喺薄薄嘅白面包上面，然后用力一反，砂糖喺面包底下溶成焦糖，令人流哂口水，另一边厢鹅肝亦差唔多煎好，油份慢慢渗出，释放出浓浓嘅香气，相当吸引。香脆嘅焦糖多士配搭质感细腻嘅煎鹅肝，形成强烈嘅对比，系全晚我最喜欢嘅配搭。
喺享用寿司之前，师傅先为我哋送上一小碗奶白香浓嘅鱼汤，鲜味十足。
饮完鱼汤稍休一下就嚟到主菜——手握寿司五贯，首先送上嘅系火炙目鲷，口感柔软，味道清淡，细细咀嚼之后会感受到佢嘅清甜。
𫚕鱼味道甘甜得嚟带少少油份， 口感柔滑幼细。
石鲷望落晶莹剔透，非常吸引，肉质细致鲜嫩，口感细腻，油脂度亦颇高，伴上少少葱末一齐食，带出清新嘅感觉。
目张油分适中，肉质嫩滑，味道鲜甜，师傅特意加上少少山药泥，增强口感。
完成咗几味各有特色嘅白鱼寿司，就嚟到重头戏——海胆寿司，总觉得厨师发办绝对唔少得海胆，有种画龙点睛嘅效果。师傅一啲都唔吝啬，用上嘅系日本嘅马粪海胆，色泽橙黄，味道浓郁，口感丰腴，必须要慢慢品尝！
当我以为晚餐要进入尾声嘅时候，师傅为我递上拖罗手卷，份量唔大但拖罗比例多，加入脆米增加口感，仲细软嘅拖罗形成对比。
最后最后当然唔少得甜品，今日嘅甜品系时令日本蜜瓜，味道浓郁，甜度高，果肉滑溜，质素非常高。餐厅每一道菜式都经过用心配搭同编排，非常有惊喜，而且性价比极高，系少有厨师发板食到中段已经有饱意，食完亦有种觉得值回票价嘅感受，虽然冇奢华高贵嘅装修，但我更欣赏呢种实而不华嘅布局。
张贴
