影片
更多
2023-03-17
82 浏览
陈仪兴，相信无乜人未听过呢个名，劲老字号既潮州打冷店。带屋企老人家去食，应该满意，稳阵之选😎将军澳有间好光鲜既分店，将军澳站A2出口右转，就系嘉悦附近。好多时d出名既老字号食肆，好似唔休做咁，店员未必好好礼貌，不过呢间又唔会㖞！店员服务都殷勤有礼！一坐低就问饮咩茶，老妈子拣左铁观音。🥢卤水鹅片 $168👍💯必点之选！潮州打冷经典菜， 冇理由唔嗌啦！份量非常多，陈仪兴个卤水汁好味！唔会太杰身、唔会太咸，花椒、八角、南姜、桂皮、小茴香等等香料既香气清香，卤水味道有层次，浓、香、甘、咸、清配搭得宜。鹅片卤得好入味，细腻口感丰盈，片片厚身，啖啖肉鹅皮油润香浓，鹅肉质滑细腻，鲜嫩多汁，咸香入味！仲有吸晒卤水既芽菜垫底。🥢卤水拼盘 $138卤水拼盘系冇鹅片嘅😆但系都好多嘢食，有蛋,红肠,腩肉,墨鱼,生肠, 猪耳,猪颈肉,豆腐，样样都吸满卤水香味，入晒味，正！墨鱼口感爽弹，好味到停唔到口。🥢潮州蚝饼$93又系另一必点之选！陈仪兴既蚝饼，比其他蚝饼优胜一筹既地方在于，佢用既蚝真系好足料！只只蚝都超级饱满鲜甜大只！另外佢个炸浆好薄，充满蛋香之余，亦超级松脆！🥢蚝仔粥 $148同蚝饼一样，蚝仔肥美鲜甜，分
相信无乜人未听过呢个名，
劲老字号既潮州打冷店。
带屋企老人家去食，
应该满意，稳阵之选😎
将军澳有间好光鲜既分店，
将军澳站A2出口右转，
就系嘉悦附近。
好多时d出名既老字号食肆，
好似唔休做咁，店员未必好好礼貌，
不过呢间又唔会㖞！
店员服务都殷勤有礼！
一坐低就问饮咩茶，老妈子拣左铁观音。
🥢卤水鹅片 $168👍💯
必点之选！
潮州打冷经典菜， 冇理由唔嗌啦！
份量非常多，
陈仪兴个卤水汁好味！
唔会太杰身、唔会太咸，
花椒、八角、南姜、桂皮、小茴香等等香料既香气清香，
卤水味道有层次，
浓、香、甘、咸、清配搭得宜。
鹅片卤得好入味，细腻口感丰盈，
片片厚身，啖啖肉
鹅皮油润香浓，
鹅肉质滑细腻，鲜嫩多汁，咸香入味！
仲有吸晒卤水既芽菜垫底。
🥢卤水拼盘 $138
卤水拼盘系冇鹅片嘅😆
但系都好多嘢食，
有蛋,红肠,腩肉,墨鱼,生肠, 猪耳,猪颈肉,豆腐，
样样都吸满卤水香味，入晒味，正！
墨鱼口感爽弹，好味到停唔到口。
🥢潮州蚝饼$93
又系另一必点之选！
陈仪兴既蚝饼，比其他蚝饼优胜一筹既地方在于，
佢用既蚝真系好足料！
只只蚝都超级饱满鲜甜大只！
另外佢个炸浆好薄，充满蛋香之余，亦超级松脆！
🥢蚝仔粥 $148
同蚝饼一样，蚝仔肥美鲜甜，
分量亦好足,
汤底好鲜！鲜甜又浓！
🥢脆盏拔丝咕噜肉 $108
唔同普通咕噜肉，
好有诚意整咗个脆盏，卖相精致。
用料高质，d咕噜肉都大大条啖啖肉，
无骨，又无乜肥膏，值得欣赏真材实料。
另外用左蜜桃，带桃香，味道更有层次。
🥢黄金鸭舌$138
鸭舌，外层脆浆炸过，
再有咸蛋黄酱，
咸蛋黄酱好香，但系又唔会过咸。
🥢豉椒炒活蚬 $95
足料，唔会净系得啲壳，
蚬鲜甜冇沙。
一家人食饭，一于食埋甜品，满足埋个甜品胃。
🥣姜薯绿豆爽$48
都几大碗！
入面有煮熟卷起咗嘅姜薯薄片。
姜薯系一种好似淮山但又唔系淮山嘅潮汕特色食物。
因为用咗姜薯嚟煮，所以煮出来的糖水质感带少少粘稠，入口滑，清香。
细细粒绿豆，爽口带粉，又可以清下热，下下火。
呢餐饭食得好满足，屋企人都好满意！
见佢有蛋卷卖，
仲买咗盒几特别既香葱味返屋企，
蛋卷厚身超级松化，
好香嘅葱味，
果然陈仪兴既出品，样样都高质素！
下次可以试下宵夜时段encore先！
因为星期日至四宵夜时段九点后有全单九折！仲抵食d添！
张贴
