影片
更多
2016-12-12
500 浏览
是咁的~果日系我嘅生日,我嘅女朋友就准备一日满满嘅行程 所以我事前系唔知黎Monster Sushi食晚餐 呢排餐厅就做紧寿司刺身半价啦(热食果d仲系正价) 所以就想黎试试 晚市五点半开始 我地五点半就到左已经见佢set紧line排队:排队果阵,已经有职员俾menu我地剔,可能想d顾客可以快d有野食挂,之但系我地又想睇下图先决定所以就冇喺排队果阵剔啦…大约1745就入去坐企左,样样都想试所以都剔左好多:左边系吞拿鱼腩帆立贝,呢个真系要用“世界级”黎形容,吞拿鱼腩(蓉)好香甜已经不在话下,帆立贝系超厚超鲜甜超肥美,一啖咬落去你第一下会食到吞拿鱼嘅鲜甜但系好快就会俾更加鲜更加甜嘅帆立贝抢晒个味,出面食贵d嘅帆立贝会俾你食到海鲜果种鲜甜,帆立贝嘅爽口质感,但呢到会多左一份肥美,系肥而不腻嘅味,绝对一定要试!!!右上分别系马刀贝(左)同象拔蚌(右),个人觉得如果唔系特别喜好蚌类嘅人,呢两碟可以二选一,而我会叫象拔蚌,呢两种蚌类嘅鲜甜系淡淡地,好清新果种(啫系唔同帆立贝果种咁浓),但系马刀贝同象拔蚌最大分别就系个口感,钟意弹牙爽口嘅一定要叫象拔蚌,真系好爽好弹牙,绝不痴牙!介绍下热食,呢个系牛舌
排队果阵,已经有职员俾menu我地剔,可能想d顾客可以快d有野食挂,之但系我地又想睇下图先决定所以就冇喺排队果阵剔啦…大约1745就入去坐企左,样样都想试所以都剔左好多:
左边系吞拿鱼腩帆立贝,呢个真系要用“世界级”黎形容,吞拿鱼腩(蓉)好香甜已经不在话下,帆立贝系超厚超鲜甜超肥美,一啖咬落去你第一下会食到吞拿鱼嘅鲜甜但系好快就会俾更加鲜更加甜嘅帆立贝抢晒个味,出面食贵d嘅帆立贝会俾你食到海鲜果种鲜甜,帆立贝嘅爽口质感,但呢到会多左一份肥美,系肥而不腻嘅味,绝对一定要试!!!右上分别系马刀贝(左)同象拔蚌(右),个人觉得如果唔系特别喜好蚌类嘅人,呢两碟可以二选一,而我会叫象拔蚌,呢两种蚌类嘅鲜甜系淡淡地,好清新果种(啫系唔同帆立贝果种咁浓),但系马刀贝同象拔蚌最大分别就系个口感,钟意弹牙爽口嘅一定要叫象拔蚌,真系好爽好弹牙,绝不痴牙!
介绍下热食,呢个系牛舌,唔计上面讲嘅帆立贝寿司,呢个系我成晚食过第二样最好味!铁板牛舌一定要衬热食!而且唔好见佢面头咁多葱同蒜就以为佢唔系靓料所以先用呢d黎盖味,食落去,你会发现d葱蒜只系令牛舌入面果阵“so”味更加出更加香(就好似猪肉同猪脷相差嘅除左口感仲有果阵味),个人好钟意食牛舌,好似韩烧果d都会攞牛舌黎烧,所以更加钟意佢呢碟牛舌,而且每一块都好厚!!
北寄贝真系好肥美好甜好弹牙,果阵弹又系有别于马刀贝同象拔蚌,系一种接近“烟un”嘅弹,而且你见佢个色泽都知有几新鲜,钟意食北寄贝嘅人一定唔会失望!北寄贝下面嘅系左口鱼边,呢个冇咩特别,但建议唔好食佢红色个酱,阵味有d似山渣饼,连埋个酱食得个酸字唔系好知自己食紧咩
呢个唔记得叫咩刺身盘,有甜虾,带子,油甘鱼,吞拿鱼,三文鱼,墨鱼,海葡萄…带子唔洗讲上面讲左,一贯水准,都系咁正!!虽然系废话,但甜虾真系好鲜甜,基本上同出面其他贵价嘅日式料理d甜虾都一样咁甜,油甘鱼,三文鱼,吞拿鱼都切得好厚好厚不过吞拿鱼就未系去到好正,但系油甘鱼果种油而不腻嘅感觉绝对系配得上一个“正”字,三文鱼刺身唔洗点讲,就系好鲜甜好香,总之油甘鱼同三文鱼一定唔会令人失望!!至于海葡萄,听闻呢几年先兴起,我都系第一次食,坦白讲味道就真系冇咩特别,听讲佢个卖点系营养价值wo…总之我就唔识欣赏海葡萄
呢个牛肉露笋卷,又系一味好正嘅热食,平时出面食日式料理,可能大家都会成日叫金菇肥牛之类,不过金菇肥牛有个问题就系金菇会痴牙,而且坦白讲金菇同肥牛个口感配合起上黎唔系话好夹,金菇咬好耐先碎但肥牛已经吞左落肚,换句话金菇同肥牛同时喺口到嘅时间唔多,不过呢碟肥牛露笋就正正解决呢句问题,用嘅牛唔肥唔瘦(好似话用和牛),有牛肉嘅香又唔会太肥,配埋爽口嘅露笋,系好match,每一啖都有牛肉嘅香同露笋嘅中和,唔会好似金菇肥牛咁咬咬下得番金菇
左边嘅炸虾寿司,基本上呢d你衬热食一定好食嫁喇,唔多讲,咬落松化,虾又弹牙,就系咁简单,反而要介绍嘅系右边嘅鹅肝卷,真系好好味,鹅肝唔会有果阵好腻嘅感觉但又好香,不过个卷入面配一粒芝士我就唔系咁钟意喇,觉得咁样夹埋就真系好腻,所以食第二件果阵就唯有撩走粒芝士食,好食好多即刻加分!!成餐饭唔止食咁少,不过上面系比较重点嘅,其他仲有食帝王蟹柳寿司(又系好鲜甜,好浓蟹味),鳗鱼寿司(好食),炸蚝寿司(衬热食实冇死)等等…
成餐上菜都几快,质素好高,寿司刺身半价嘅优惠下其实好抵食,平时正价嘅如果唔介意豪食,绝对系一个好好嘅选择!!
张贴
