蝦蝦燒

营业中

休息中

郊野公园烧烤就食得多，自己生生猛猛捉嘅大头虾，再摆落个炉到烧呢就真系第一次啦！一入到去个场已经比流水虾嘅鱼缸所吸引，而且已经见到有啲人手忙脚乱，手舞足蹈地捉虾，场面特别吸引，亦都相信喺呢度嘅独特之处。新鲜粥上嚟嘅虾特别生猛，所以一定要用冰水焗晕佢再烧，虾头好多膏，虾肉结实鲜甜，可以烧嘅时候落少少玫瑰盐更加入味！其他亦都包括咗丸类、肉类、蔬菜类可以一次过放喺个炉，出边更加有个自助冻柜，想食啲咩就夹啲咩，不过记住唔好做大嘥鬼啊！特别推荐佢嘅蒜蓉包同埋烧菠萝，美味非常。当然除咗大头虾之外，亦都有唔同种类嘅海鲜，经过炉火嘅烧炙，相当甜鲜！食饱饱仲可以食埋多款嘅雪糕，满足咗饭后甜品嘅意欲。