影片
更多
2022-11-01
1698 浏览
上网见人介绍呢间鮨店午餐omakase性价比好高，但如果想试到主理嘅Adachi san嘅手势就要下一番苦功先book到。有日多手上佢个网睇吓，竟然比我执到鸡，book到一星期后嘅两个位！非常期待😋 午市分咗12点同1点半嘅时段，今次我哋系食1点半。当日上到去，由Adachi san喺门口亲自迎宾都有啲意外。室内布置好平实，以木色为主，冇乜装饰，反而餐具就比较精致。呢个餐有茶碗蒸、前菜、12件寿司、玉子烧、面豉汤同埋甜品，盛惠680蚊。先讲主角🍣寿司饭用赤醋调味，有清晰嘅酸味但一啲都唔抢，饭嘅扎实程度啱啱好，唔会散开亦唔会太硬👍🏻食嘅时候系10月头，按出场顺序：🍣深海池鱼-肉感弹牙，有油香又有余韵🍣石垣贝-师傅临上碟前拍打一下，口感微爽，味道淡甜又有一阵好似行水族馆嘅海水味🍣秋刀鱼⭐️-质感非常滑溜，上面加咗少少葱酱，又香又惹味🍣𫚕鱼-微酸🍣甜虾-有成三只咁多，口感充实，鲜味但唔算好甜🍣鲷鱼-平实表现，感觉有间场作用🍣大拖罗⭐️-入口即溶，满满油香即时充满整个口腔🍣赤身-淋身，酸同酱油味突出🍣小肌-口感扎实，酸，带鱼干味🍣赤鯥⭐️-师傅轻轻烧过表面，有焦香同浓郁油香，面头有萝卜蓉平衡油腻感🍣
午市分咗12点同1点半嘅时段，今次我哋系食1点半。当日上到去，由Adachi san喺门口亲自迎宾都有啲意外。室内布置好平实，以木色为主，冇乜装饰，反而餐具就比较精致。
呢个餐有茶碗蒸、前菜、12件寿司、玉子烧、面豉汤同埋甜品，盛惠680蚊。先讲主角🍣寿司饭用赤醋调味，有清晰嘅酸味但一啲都唔抢，饭嘅扎实程度啱啱好，唔会散开亦唔会太硬👍🏻食嘅时候系10月头，按出场顺序：
🍣深海池鱼-肉感弹牙，有油香又有余韵
🍣石垣贝-师傅临上碟前拍打一下，口感微爽，味道淡甜又有一阵好似行水族馆嘅海水味
🍣秋刀鱼⭐️-质感非常滑溜，上面加咗少少葱酱，又香又惹味
🍣𫚕鱼-微酸
🍣甜虾-有成三只咁多，口感充实，鲜味但唔算好甜
🍣鲷鱼-平实表现，感觉有间场作用
🍣大拖罗⭐️-入口即溶，满满油香即时充满整个口腔
🍣赤身-淋身，酸同酱油味突出
🍣小肌-口感扎实，酸，带鱼干味
🍣赤鯥⭐️-师傅轻轻烧过表面，有焦香同浓郁油香，面头有萝卜蓉平衡油腻感
🍣昆布海胆-冇平时啖啖肉嘅海胆咁浓郁，但昆布令佢加咗一阵田园风又几特别
🍣拖罗蓉手卷⭐️-满满嘅拖罗蓉加埋紫苏叶，干瓢同芝麻，所有味道好夹
以上有⭐️嘅款式系特别满足之选😋另外分享，连伴碟嘅渍萝卜都好好食，带淡淡柚子味，好清新😋
另外都简单讲下配菜
🍮茶碗蒸-铺满鱼子，好鲜味，口感非常滑溜
🐙慢煮八爪鱼-煮得够淋但仍保持嚼劲，有柴香味
🍵面豉汤-一般清淡口味
🥚玉子烧-似蛋糕，但唔突出
🍨甜品-可以拣奶冻、雪糕或者咖啡，今次拣黑芝麻雪糕，用最中饼夹住，非常松脆，但雪糕普通
食物整体表现出色，但加埋服务真系令到体验更加升华😍所有师傅都系日本人，但佢哋努力用广东话介绍菜式；抹碟抹得非常频密，大约食两三件就抹一次；侍应会主动换手指布同热茶；Adachi san亲自迎宾送客。整体嚟讲，呢度嘅lunch omakase果然性价比好高，虽然冇好悦目嘅环境摆盘之类，但舌头感觉嘅美味同埋有温度嘅服务先系最令人陶醉，令人暂时忘记咗身处喺繁嚣闹市🥰
张贴
