影片
港铁中环站 D2 出口, 步行约4分钟
继续阅读
电话号码
23110007
23110999
营业时间
今日营业
12:00 - 15:00
18:00 - 22:00
星期一至日
12:00 - 15:00
18:00 - 22:00
以上资料只供参考，请与餐厅确认详情
我去左Sushi Shion食午餐，拣咗$680嘅12件寿司 omakase套餐。最出色嘅系海胆同手卷，味道鲜美，令人回味无穷。服务一流，环境舒适宜人，令食饭体验更上一层楼。喺饭后，不慎留咗我嘅耳环喺餐厅，但寿司紫苑嘅服务团队好贴心，即刻打嚟通知我畀我知，确保我可以返去领取。呢种细心周到嘅服务令我留下深刻印象，显示佢哋对客人嘅关怀同专业。总括而言，Sushi Shion唔单止提供出色嘅寿司 omakase套餐，令人回味无穷嘅美味，而且服务周到，环境优美。如果你想享受优质嘅寿司餐点同愉快嘅用餐体验，Sushi Shion绝对系一个值得推荐嘅选择。
继续阅读
以往疫情Omakase一位难求，而家大家去返旅行之后都少左喺香港食Omakase。今次呢间Omakase 座落喺中环，但性价比好高！本身听闻佢地既师傅Adachi san手势好好，一直都想试下，但可惜原来佢已经无喺度做，而家系由Chef sugano主理。佢地既寿司质素真心唔错，而且物有所值，Lunch 去食更加抵！今次叫左佢地10件寿司既lunch set🍣🔸前菜：八爪鱼🐙🔸茶碗蒸🔸味噌汤寿司十贯🍣：1️⃣左口鱼第一件寿司当然鱼味会较清新，食落鲜甜美味，鱼油慢慢渗出💦2️⃣石垣鲷不愧为日本人眼中其中之一鱼中之王，肉质细腻，油分充足❗️3️⃣白虾食左两种鱼寿司之后，食一食唔同口感既虾寿司。肉质弹牙，鲜甜美味。4️⃣伊佐木肉质白里透红，弹牙爽口而不油腻。5️⃣赤贝外层爽脆，海水味浓郁。6️⃣中拖罗入口即融，油分恰到好处。7️⃣酱油渍赤身酱油的鲜香带出赤身的鲜甜。8️⃣花鱼一夜干寿司比较少食到，肉质弹嫩新鲜，鱼油味浓。9️⃣池鱼肉质肥嫩，油脂丰富，鱼油甘香。🔟吞拿鱼手卷🍮甜品：芝麻/绿茶雪糕
继续阅读
🤗 早前听闻 中环 “镛记” 旁边开咗间 “厨师发板”, 几经艰苦, 揾到嘞, 原来系 “预约困难店” Shion, 梗系约埋老友 “意大利长介” 嚟探店.🏘️ 餐厅属 “楼上舖”, 行两层楼梯, 见到鮨店入口, 走过门帘, 中间系服务员工作台, 男女洗手间喺左边, 直望系十人L型寿司吧枱, 空间非常阔落, 十个赞! 另设一张四人方枱, 怪怪地. 装修走简约风格, 冇乜花巧嘢.🥢 今日点咗12贯寿司套餐 $680+10%, 其他选择: 10贯寿司套餐 $480, 又或者刺身寿司套餐 $1,180. “长介” 又唔睇价钱, 拣咗贵价清酒, 盛惠 $1,080. 📖 听讲镇店日本师傅 Adachi san 去年底返咗日本. 现在驻塲嘅日本师傅系 Sugano san, 今日招呼我哋嘅系本地师傅 “鱼 san”, 刚由姐妹店 “鮨慎 Kami” 调过嚟.🍥 茶碗蒸🍣 寿司左口鱼深海池鱼甜虾九绘鱼赤贝昆布海胆中拖罗赤身酱油渍大拖罗鲭鱼池鱼吞拿鱼手卷🥰 酒肴八爪鱼𩽾𩾌鱼肝🍥 玉子烧🥣 面豉汤🍮 焙茶奶冻🍥 茶碗蒸. 够热, 合格.🍣 左口鱼. 味道相对淡丽, 食落口感充实, 烟烟韧韧, 过关! 听闻 Shion 嘅舍利偏酸, 又唔觉㖞.🍣 深海池鱼. 鱼油丰富, 我钟意呢个实净嘅口感, 同啱啱 “软癞癞” 嘅左口鱼形成对比, 有趣!🦑 八爪鱼. 腍呀, 又入味, 可惜份量太少, 哈哈.🦐 甜虾. 三只虾, 入口澎湃, 既鲜甜, 又胶口, 唔错!🍣 九绘鱼. 陌生嘅名字, 属于深海石斑鱼. 肉质饱满, 且具弹性. 玩炙烧, 闻落, 食落, 吞落, 都享受馥郁香味, 但又唔会油淋淋, 不俗!🐚 赤贝. 大只兼厚肉, 鲜味海水味涌出, 掂!🐚 昆布海胆. 初尝昆布版本, 味道更浓郁, 口感更渴身, 完美享受海胆鲜味, 十个赞!🥰 𩽾𩾌鱼肝. 入口软绵, 雪糕口感, 咁香味道慢慢渗出, 又系份量太少, 哈哈.🍣 中拖罗. 鱼味浓郁, 柔润肥美, 铁锈味绝配酱油味, 我钟意!🍣 赤身酱油渍. 相比 “中拖罗”, 口感更细𡟹, 酱油味更甘香.🍣 大拖罗. 完全见唔到脂肪纹嘅? 虽然有点失望, 但酱油发挥更精彩. 中拖罗, 赤身, 大拖罗, 就系传说中嘅 “鲔鱼三连发”.🍣 鲭鱼. 原始经典版本, 相对厚切, 入口滑溜, 重鱼味, 抵赞!🍣 池鱼. 卖相出色, 尽显师傅刀功. 食落鱼肉紧致, 又非常肥美.🍙 吞拿鱼手卷. 吞拿鱼蓉味道香浓, 引人入胜, 配脆脆紫菜, 充满惊喜.🍥 玉子烧. 质感软绵, 甜度啱啱好. 🥣 面豉汤. 热辣辣, 好味道, 顺便解酒醉.🍮 焙茶奶冻. 茶味抢镜, 完美结束.🤗 总结: Shion 走中高档路线, 以日本师傅作招徕, 坐位舒适濶落, 可能空间太大, 讲嘢听嘢好空旷, 倾密计有点困难, 扣分. 服务贴心到位, 师傅有问必答. 论食物, 传统江户前风格, 鱼料优质, 调味简单, 十二贯寿司之外, 加料 𩽾𩾌鱼干 同埋 八爪鱼, 多谢唒! 香港地, 日本餐厅五花八门, 人外有人, 天外有天, 今日有缘到此一游.📖 翻查资料: “江户前” 原指 “江户城前的河湾”, 即现在嘅东京湾, 当时鱼类品种丰富. 另一个意思系 “江户前” 嘅 传统寿司制作方法 或者 手握寿司哲学. 江户时代尚未出现如今先进嘅交通工具同埋雪柜, 人们想出不同嘅方式保存海鲜食材, 包括煮, 腌, 浸泡等, 演变出一套制作寿司嘅哲学.
继续阅读
sushi shion ,位于中环威灵顿街的一间omakase餐厅。之前一直听闻是困难预约店，今日终于有机会一试，晚市有两个menu$1480/$1980,我们试左$1980set，大概20 道菜，仲另有有甜品。途中有部分唔记得影相😅😅，环境相对比较清静，每道菜式师傅亦都有详细的介绍，服务也不错，整体来讲超出预期。下次有机会再试试午餐，因为个价钱真系好吸引，系中环确实好难揾到性价比如此的omakase .
继续阅读
系fb group得知Adachi San净系做到十一月底，即刻上网book午餐食，顺便回味师傅好手势🥰午餐分为十二点同一点半两个时段，我同朋友仔拣左后者，所有客人都准时到达！Asachi San全程都一脚踢，不断备料切渍物抹碟，但仍然非常细心，无怠慢到任何一个顾客，面上一直挂住微笑，服务态度一百分！🥄三文鱼子茶碗蒸🥢慢煮八爪鱼🍣深海池鱼🍣左口鱼 鱼肝🍣赤贝🍣甜虾🍣秋刀鱼🍣𫚕鱼 野生油甘鱼🍣中拖🍣小肌🍣昆布渍海胆🍣酱油渍赤身🍣赤鯥🍙呑拿鱼蓉手卷🥚玉子🥄味噌汤🍮奶冻/芝麻雪糕由茶碗蒸，寿司到甜品，水准一如既往咁稳定！Adachi San行淡丽简洁风，每一样食材既味道都恰到好处，无过多花巧既把戏，专注地将食物最好既状态呈现俾食客☺️寿司饭口感岩岩好，既唔会太松散又唔会太硬梆梆，酸味同鱼生配合得好好！当日有好几件寿司都令我地留下深刻印象，分别有正值季节既秋刀鱼，鱼肉光质红润，入口滑溜溜又充满油脂香。小肌都好出色，每咀嚼一口，酸度亦会慢慢愈渗愈多，味道由浅入深，层次十足！昆布渍海胆可谓餐厅既名物，昆布将海胆既鲜甜味升华，鲜味系口腔爆发，余韵更带回甘，同一般海胆比较更特别更有记忆点！📍Shion中环威灵顿街50号华威大厦UG楼B号舖
继续阅读