泰國市場餐廳

营业中

休息中

呢间小店冇靓装修，地方浅窄，吸引之处在于由泰国人经营。对泰国人主理的食肆有信心，过嚟叫咗三个菜试吓。青木瓜沙律够清凉，辣度有得拣，食得辣的，建议由中辣起跳，个汁甜酸度适中，非常惹味，劲钟意青柠的清新香味。干炒海鲜河有镬气，碟底冇一氹油，河粉入口烟韧，略嫌海鲜配料少咗啲，但不失为一碟好炒河。软壳蟹配黄咖喱蛋汁喺小店名物，炸酱薄身脆口，只蟹唔系得个壳，有肉地㖞；黄咖喱汁零辣度，怕辣族唔使担心得个睇字；汁内有蔬菜，冇加香草，属低浓味食物，最啱捞白饭食。埋尾的泰式奶茶，𠮶朕飘出嚟的泰茶独特香气，呃唔到人，入口余香强劲，好茶！舖头只得厨师同店员两个人，百忙之中坚持好好招呼，礼貌周周。作为食客，无论落单、等上菜、埋单，咩都要有等待的心理准备喔。食客多数系街坊，同店员有讲有笑，呢种气氛真系小店至有。