樂湯雞麵館 (庇利金街) (裝修中)

㖊日放假上左去住喺佐敦既朋友屋企打机，大战左6个钟头之后，大家都觉得好肚饿，我朋友就推介一间叫乐汤鸡面馆比我地，佢话自己成日都会去买外卖同好好食的，跟住3条友就落楼去试下虚实，落到舖后未到晚饭时间唔算太多人，睇完餐牌当然叫返个镇店之宝砂锅花胶鸡汤翅「我地一于食豪啲叫左全只，再加每人1只鲍鱼」，同点左多款开胃小食有：1)炸鱼皮 2)盐水鸡肾 3)虫草花杞子翡翠苗 4)红油花胶鱼翅饺 5)沙姜鸡脚 6) 醉猪手，我个人特别钟意鸡肾同鸡脚，两样都好食同好入味，其他朋友都话啲小食好正，最后(大佬出场)个砂锅花胶鸡汤翅送到，品尝过后我地一致觉得美味同足料啲鸡肉好嫩口，花胶鱼翅同样掂，完胜我地早两年喺澳门食𠮶啲出名既煲仔翅，同埋呢度啲工作人员都几亲切同有礼貌，另外都留意倒都几多人嚟帮衬买外卖的，证明附近街坊都好识食，总结我地觉得这间乐汤鸡面馆绝对食得过亦都证明我地个Friend冇吹水同冇介绍错，食完丰富又满足既晚餐后就即刻返去个Friend屋企继续屠龙了😂