川之味麻辣米線 (已結業)

闲日去太子的话，一定会黎食，节假日太多人就未必啦。虽然系人都知呢度既辣汤底先系精髓所在，但由于本人极之唔食得辣，所以小小都唔敢试。所以今次我点左牛肉加黑柏叶，清汤。首先讲下D牛肉，熟成度刚刚好，熟得黎又唔会老同韧，食落嫩滑弹牙，而且量都几多，唔似有D连锁店两𩠌以上时每样象征式得小小，钱加左但份量无变。而黑柏叶更是我最爱，因为我钟意食D比较爽口既野，而黑柏叶比起一般白色更有过之而无不及，而且佢本身既加工步骤比较少，即系1相对健康D。其他配料就一般质素，未知是否因为烹煮过程较久，质地上都比较腍，就连米线也一样，幸好我唔介意较腍身既米线，米线口感滑溜，非常易入口。